KENYA:Perezida William Ruto yagize icyo avuga ku mukobwa we ukomeje kuba iciro ry’imigani ashinjwa kwiha inshingano atatorewe

Perezida wa Kenya bwana William Ruto yasabye abaturage b’iki gihugu guha amahwemo umukobwa we bakareka gukomeza kumushinja kwiha inshingano kuko ngo ibyo akora byose abiterwa n’ubwana.

Umukobwa wa Perezida Ruto witwa Charlene Ruto kuva Se yajya ku butegetsi ni kenshi ashinjwa kwiha inshingano zitamureba ndetse akiha n’ibiro bitabaho aho ngo yiha no gutumiza inama zitandukanye akazihuriramo n’abayobozi bakuru kandi ngo mu byukuri ntaho afite izo nshingano.

Bivugwa ko uyu mukobwa ngo aherutse gutangaza ko kuri ubu hariho ibiro bye byitwa First Daughter Office ndetse abenshi bakibaza uburyo byaba byaragiyeho n’uwaba warabimutoreye.

Gusa mu kiganiro William Ruto yagiranye n’itangazamakuru yaboneyeho kunyomoza ibyo byose ndetse avuga ko nta biro byihariye umukobwa we afite ndetse aboneraho no gusaba abaturage b’iki gihugu kumuha amahoro kuko byose ngo abiterwa n’ubwana akifitemo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO