KENYA:Raila Odinga utarakunze guhirwa n’intebe y’ubuyobozi akomeje gusetsa imikara nyuma yo gutanga ikirego ngo amatora asubirwemo

Raila Odinga utarakunze guhirwa n’intebe y’ubuyobozi byamaze gutangazwa ko nyuma yo gutsindwa mu matora y’umukuru w’igihugu kuri ubu ngo yamaze gutanga ikirego mu rukiko rw’ikirenga kugirango haburizwemo ibyavuye mu matora.

Mu minsi ishize nibwo hamenyekanye ko bwana William Ruto wahoze ari Visi Perezida ku ngoma ya Uhuru Kenyatta ariwe wegukanye umwanya w’umukuru w’igihugu nyuma yo guhigika bwana Raila Odinga.

Kugeza magingo aya abanyamategeko bunganira bwana Raila Odinga batangaje ko bamaze gutanga ikirego ku rubuga rwa murandasi.

Umunyamategeko witwa Daniel Maanzo yavuze ko icyo kirego cyo kuburizamo ibyavuye mu matora cya nyakubahwa Odinga cyamaze kugera mu maboko y’urwego rw’ubucamanza.

Ntabwo ari ubwa mbere Raila Odinga yanga ibyavuye mu matora kuko no ku ngoma y’uwari Perezida wa Kenya Uhuru Kenyatta nabwo habayeho gusubiramo amatora ariko nyuma Kenyatta yaje gutsinda ayo matora asubiwemo nubwo bwose Odinga nabwo yari yatanze ikirego.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO