KENYA: Umugenzi yatabarukiye mu ndege yavaga New York yerekeza i Nairobi
- by
- 25/08/2022 saa 08:53
Kompanyi ikora ubwikorezi bwo mu kirere yitwa Kenya Airways yamaze kwemeza amakuru avuga ko hari umugenzi wapfiriye mu ndege yayo yavaga i New York muri Leta Zunze Ubumwe za Amerika yerekeza i Nairobi.
Mu itangazo Kenya Airways yashyize hanze yavuze ko uyu nyakwigendera yari asanzwe afite ubundi burwayi butamworoheye.
Nyuma yo gufatwa n’uburwayi mu ndege akaza kurushaho kuremba hiyambajwe itsinda ry’ubutabazi aho ryategetse ko iyi ndege ihindura icyerekezo igitaraganya biza gutuma igwa i Casablanca muri Maroke (Morocco) gusa n’ubundi biba iby’ubusa aranga uwo mugenzi yitaba Imana.
