KENYA:Umusaza udatinya gupfa yafashe umwanzuro agura isanduku ihenze agomba kuzashyingurwamo

Mu gihugu cya Kenya umusaza w’imyaka 87 ukomoka ahitwa Busia,yakoze ibintu byatuye abantu benshi kuko yaguze isanduku nshya igezweho azashyingurwamo umunsi yitabye Imana.

Ubusanzwe biragoye kubona umuntu afata umwanzuro maze akihutira kugura isanduku yo gushyingurwamo gusa uyu mukambwe witwa Aloise Otieng ’Ng’ombe bivugwa ko yaguze iyi sanduku ifite agaciro k’amashilingi ibihumbi 58,000 aho yabwiye umuryango we ko uzayimushyinguramo mu gihe yitabye Imana.

Igitangazamakuru cya K2TV cyatangaje ko Aloise yari yaguze indi sanduku muri 2009 na 2012 ariko ntabashe kuzishima ndetse hashize n’igihe kinini zidakoreshwa.


Uyu musaza afite abana bagera kuri 18 yavuze ko iyi sanduku ye nshya iri kubikwa mu iduka rye mu gace ka Obekai,ariyo azashyingurwamo yitabye Imana kuko ngo izo yaguze mbere ntizari zigezweho.

Uyu musaza yatangaje ko kwigurira isanduku mbere y’urupfu rwe bigomba guha isomo abanya Kenya.

Mu magambo ye umusaza Aloise ati:“Ndashaka ko ibi bibera isomo abantu muri rusange. Ushobora kubura ibintu by’ibanze mu gihe uri muzima,ariko nupfa, abantu bazica ibimasa, bakugurire imyenda myiza n’inkweto nyamara wapfuye.

Yakomeje agira ati: Niyo mpamvu nahisemo gutegura gahunda y’urupfu rwanjye bigendanye n’agaciro mfite mu baturanyi."

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO