ikipe ya Fc Barcelona iherukwa kunyagirwa muri Champions League imvura y’ibitego na Bayern Munich bagiye kongera gucakirana mu ijoro ryo kuri uyu mugoroba aho hategerejwe kureba niba Barcelona ishobora kwinyara mu isunzu ikihimura.
Abantu benshi bategereje cyane umukino iteganyijwe hagati ya Bayern Munich na FC Barcelona aho aya makipe yombi agiye kongera guhurira mu irushanwa ry’abagabo rya Champions League aho umwana arira nyina ntiyumve.
Mu ijoro ryo kuri uyu mugoroba wo kuwa Kabiri ikipe ya Barcelona igiye guhura na Bayern Munich amakipe yombi harabayemo impinduka kuko Lionel Messi ntabwo akibarizwa muri Barcelona ndetse na Robert Rewandowski nyuma y’imyaka 8 akinira Bayern kuri ubu agiye kuba ahanganye nayo.
Ni mu gihe kandi ikipe ya Bayern Munich iraba ifite umukinnyi Sadio Mane werekeje muri iyi kipe nyuma yo kuva mu ikipe ya Liverpool yo mu gihugu cy’Ubwongereza.
Kuri ubu amakipe yombi agiye guhura mu gihe ikipe ya Barcelona iri ku mwanya wa kabiri muri La liga aho imaze gutsinda imikino 4 muri itanu imaze gukinwa.
Ikipe ya Bayern Munich yo ntabwo ihagaze neza kuko imaze kunganya imikino 3 kuva shampiyona yatangira mu gihugu Cy’Ubudage.
