Kagere Meddie yitwaye neza bishimisha umutoza we

Rutahizamu w’umunyarwanda ukina muri Tanzania muri Simba Sports Club uzwi nka Kagere Meddie yatsinze igitego cye cya mbere muri shampiyona ya Tanzania y’umwaka wa 2020/2021 umutoza we avuga ko azakomeza kumukoresha.

Kuva shampiyona ya Tanzania yatangira, hari hamaze gukinwa imikino ibiri, muri iyo mikino yose Kagere Meddie yazaga asimbuye cyangwa se ntanabone n’umwanya mu minota 90 yose.

Ku munsi w’ejo ubwo ikipe ye yakinaga umukino wo ku munsi wa gatatu wa shampiyona, Simba yakiriye Biashara, umukino wa mbere kuri Uwanja wa Taifa, Simba yatsinze ibitego 4-0, maze Kagere Meddie atsindamo igitego kimwe cya gatatu.

Abazwa ku myitwarire yaranze uyu musore umutoza Seven wa Simba Sports Club yavuze ko Kagere ari umukinnyi mwiza kandi ko yiteguye kumukoresha no mu yindi mikino isigaye ya shampiyona, akomeza abwira abanyamakuru ko ntakibazo gihari yigeze agirana n’uyu munyarwanda nkuko byakomeje kuvugwa.

Ubwo yaganiraga na Gernesis Tv Kagere Meddie yavuze ko yishimiye kuba ari gukina mu gihugu cya Tanzania by’umwihariko mu ikipe ya Simba, avuga ko kandi agifite amasezerano muri iyi kipe y’umwaka umwe uzarangira mu mwaka utaha wa 2021.

Kagere Meddie ni umukinnyi wa Simba Sports Club, kuri ubu amaze imyaka ibiri muri iyi kipe. Uyu mugabo ukomoka mu Rwanda niwe watsinze ibitego byinshi mu myaka ibiri ya shampiyona yo muri Tanzania. Abanya-Tanzania bakunze kumutazira akazina ka MK14

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO