Kampala bishimiye kongera gusubira mu tubyiniro nyuma y’igihe kirekire

Abatuye Kampala bagaragaje ko bishimiye ifungurwa ry’utubari ndetse n’utubyiniro nyuma yaho leta ya Uganda yoroheje imyanzuro yababuzaga gukora no kugenda nijoro nk’ingamba zo kwirinda ikwirakwira ry’icyorezo cya coronavirus.

Mu ijoro rya mbere ryo gufungura, Abagande bagaragaje ko bashimishijwe no gusubira mu birori, cyane ko abenshi bari basohokeye mu tubari n’utubyiniro two mu mujyi, dore ko Utubari twari tumaze igihe kirekire dufunze mu rwego rwo kwirinda ikwirakwira rya Covid-19.

Mu nkuru ya daily monitor bavuga ko n’ubwo polisi yatangaje ko izakora amarondo kugirango irwanye ikwirakwira ry’icyorezo cya covid-19, Abaturage bo batsinzwe rugikubita ngo kuko baza bitwaje imiti yo gukaraba mu ntoki gusa ntibibuke gukurikiza andi mabwiriza igihe bamaze gusoma ku gasembuye no kwizihirwa.

Derek Debru, umuyobozi mukuru w’iserukiramuco mpuzamahanga ry’umuziki rya Nyege Nyege mucyo yise Gufungura ubukungu bwa n’ijoro yagize ati; Ati: "mu gufungura ubukungu bw’ijoro abantu benshi bazasubizwa akazi kabo, mu gihe abandi bazabona umwanya wo kuruhuka no kubonana n’inshuti, zabo".

Derek nk’umuntu no mu busanzwe ufite aho ahurira na muzika bya hafi yakomeje avuga ko abahanzi bazasubira mu bitaramo byabo nk’uko byari bisanzwe mbere y’umwaduko wa covid-19.

Icyorezo cya coronavirus cyatumye ibikorwa byose byakorwaga imbona-nkubone bihagarara kandi abibasiwe cyane ni abafite aho bahuriraga no gutegura ibirori, ibikorwa ngarukamwaka by’igihugu, Abanyamahanga n’abahanzi bagombaga guhagarika ingendo zabo muri Uganda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO