Kanyandekwe w’imyaka 85 uzwi muri Seburikoko yatawe muri yombi na RIB azira gusambanya umwana w’imyaka 7

Munyampanzi Dominique uzwi ku izina rya Kanyandekwe muri Film y’uruhererekane ya ‘Seburikoko’ yatawe muri yombi na RIB azira gusambanya umwana w’umukobwa w’imyaka irindwi.

Uyu mugabo ubusanzwe atuye mu mudugudu Murugarama mumurenge wa Nyamirambo ari naho yafatiwe.

Bivugwa ko uyu musaza w’imyaka 85 yatanzwe n’abaturage bavugaga ko hari umuturage witwa Munyakazi Dominique “Kanyandekwe” wararanye n’umwana w’umukobwa witwa Keza Loke w’imyaka irindwi akaba mwene Kubwimana Jean De Dieu na Tuyizere Chantal.

Uwo mwana ngo ntabwo abana n’ababyeyi ahubwo yabanaga na Nyirakuru witwa Nakabonye Consiliya w’imyaka 62.

Kanyandekwe ukina muri film y’uruhererekane ya Seburikoko ubwo yafatwaga n’abaturage yemeye ko yasambanyije uwo mwana akanabisabira imbabazi. Ubusanzwe ngo yakoraga ibiraka byo kwasa ibishyitsi, gukupakupa mu bakire no gusyaga inzuma.

Nyuma y’ibyo we n’abandi bireba bashyikirijwe Urwego rw’Igihugu rw’Iperereza (RIB).

Turacyakurikirana iyi nkuru…..

Genesisbizz

Related Articles

TANGA IGITEKEREZO