Kanye West mu rukundo n’umukobwa w’imyaka 22 nyuma yo gutandukana n’umugore we

Kanye West uherutse guhabwa gatanya n’umugore we Kim Kardashian ari mu munyenga w’urukundo n’umunyamidelikazi w’imyaka 22 witwa Vinetria.

Kanye West uherutse guhindura izina rye akitwa Ye, yagaragaye yishimanye n’umukobwa bigaragara ko bari mu munyenga w’urukundo nyuma y’uko ahawe gatanya n’umugore we bari bamaze imyaka 7 bashakanye.

Ye yagaragaye kenshi ari kumwe n’uyu mukobwa gusa ntibizwi neza igihe aba bombi baba baratangiriye guteretana.

Aba bombi bagaragaye mu munyenga w’urukundo ubwo bafotowe bitabiriye umukino wa Basketball. Bagaragaye bicaranye bishimye nk’abasanzwe bakundana.


Ye aravugwa kuba mu rukundo n’umukobwa w’imyaka 22

Ye atangiye kunugwanugwa mu rukundo na Vinetria nyuma y’amezi make avuzwe nanone mu rukundo n’umunyamidelikazi Irina Shayk muri Werurwe nyuma y’uko Kim Kardashian yamuhaye gatanya.

Ye na Irina bakundanye kugeza mu kwezi kwa Kanama ndetse ababana bya hafi na Ye bavuga ko umubano w’aba bombi utari ukomeye.

Ku rundi ruhande Kim Kardashian w’imyaka 41 nawe ari mu rukundo na Pete Davidson w’imyaka 27 nyuma yo gutandukana na Ye.


Kim ari mu munyenga w’urukundo n’umusore w’imyaka 27.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO