Kanye West yatandukanye n’umukunzi we mushya Juliana Nalu batamaranye Kabiri

Kanye West w’imyaka 45 y’amavuko yamaze gutandukana n’umukunzi we mushya usanzwe ari umunyamideli ukomoka mu gihugu cya Brazil witwa Juliana Nalu ndetse ibi byatunguye benshi nyuma y’aho uyu mugabo atandukanye mu buryo bwa nyabwo na Kim Kardashian agategekwa gutanga indezo.

Ku munsi wa Mbere taliki 05 Ukuboza 2022,nibwo inkuru yo gutandukana kw’aba bombi yamenyekanye ndetse umunyamideli Juliana w’imyaka 24 y’amavuko afata umwanzuro atangaza ko nta muntu barimo gukundana mu rukundo nyamara benshi bari baziko amaze amezi abiri akundana n’umuraperi Ye.

Ubwo uyu munyamideli yabazwaga n’abakunzi be kuri Instagram yatangaje ko nta muntu barimo gukundana ndetse ahamya ko nta rukundo agifitiye Kanye West.

Uyu munyamideli yakomeje ashimira abakunzi be kubwo kumubaza ibibazo bijyanye n’ubuzima bwe ndetse aboneraho kubatangariza ko atakiri mu rukundo na Kanye West.

Gutandukana kwa Kanye West n’umunyamideli Juliana bibaye mu gihe hashize icyumweru kimwe uyu mugabo ategetswe kujya atanga indezo buri kwezi nyuma y’aho atandukaniye n’uwahoze ari umugore we Kim Kardashian bamaranye imyaka 8 aho babyaranye abana 4.

Aba bombi babyaranye abana bane harimo abahungu babiri barimo Saint w’imyaka 6, ndetse na Psalm w’imyaka 3 ndetse banabyarana n’abakobwa babiri barimo North w’imyaka 9 ndetse na Chicago w’imyaka 4.


Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.