Kapiteni Meddie Kagere aremye bagenzi be agatima ababwira icyo bakora bakisasira Sénegal

Kapiteni w’ikipe y’igihugu "Amavubi" Meddie Kagere yahamije ko biteguye neza umukino ugomba kubahuza n’ikipe ya Senegal ndetse ahamya ko bakwiye kwibagirwa umukino wa Mozambique aho ngo ubu umutima wose bawerekeje ku ikipe ya Senegal.

Mu kiganiro n’abanyamakuru kuri uyu wa Mbere,Kagere yavuze ko kugira ngo bagire icyo bakura muri uyu mukino bakeneye gukina ku rwego rwo hejuru no kubyaza umusaruro amahirwe yose bari bubone imbere y’izamu rya Senegal.

Yagize ati"Umukino wa Mozambique wabaye amateka, ubu uwo duhanze amaso ni uwa Senegal nubwo wo ibyawo bizaba bitandukanye.

Yakomeje agira ati" Biradusaba kuba turi hejuru mu mikinire kugira ngo tubashe guhatana n’ikipe nk’iyi ikomeye,tukabyaza umusaruro amahirwe tubona kugira ngo tugire umusaruro dukura muri uyu mukino."

Umukino ubanza Amavubi yanganyije igitego 1-1 na Mozambike mu mukino wa mbere wo mu itsinda rya 12 aho bari kumwe n’andi makipe arimo Benin na Senegal.

Umukino ubanza w’U Rwanda na Mozambique watumye Abanyarwanda bagira ikizere dore ko hari abavuga ko umutoza Carlos Alos yazamuye imikinire ku ikipe y’igihugu y’U Rwanda Amavubi.

Carlos Alós Ferrer, yavuze ko batareba Sadio Mane ahubwo bahangayikishijwe na Senegal yose nk’ikipe ifite abakinnyi bo ku rwego rw’Isi.

Senegal irakina n’Amavubi uyu munsi,iheruka gutsinda Benin ibitego 3-1 byose byinjijwe na Sadio Mane gusa harimo penaliti 2.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO