Karim Benzema amavuta amuraye ku mubiri nyuma kugirwa umukinnyi mwiza wa Champions League uyu mwaka

Ishyirahamwe ry’umupira w’amaguru ku mugabane w’U Burayi UEFA ryatangaje ko umukinnyi usanzwe asatira izamu mu ikipe ya Real Madrid ariwe Karim Moustafa Benzema ukomoka mu gihugu cy’Ubufaransa ko ariwe mukinnyi wahize abandi mu irushanwa rihuza amakipe yabaye ayambere i wayo.

Karim Moustafa Benzema w’imyaka 34 y’amavuko yagize umwaka w’imikino mwiza nyuma yo gufasha Real Madrid gutwara igikombe cya shampiyona 2021-2022 akongeraho na UEFA Champions League.

Nyuma yo gutwara igikombe cya shampiyona, Benzema yagize uruhare rukomeye mu gufasha Real Madrid gutwara igikombe cya UEFA Champions League aho yageze ku mukino wa nyuma abiyifashijemo aho bahigitse ikipe ya Manchester.

Real Madrid yatwaye UEFA Champions League itsinze Liverpool ku mukino wa nyuma igitego 1-0
Mu mikino ya UEFA Champions League y’uyu mwaka, Karim Benzema yatsinze ibitego 15 arusha undi mukinnyi wese wari muri iri rushanwa.

Karim Benzema yakurikiwe na Robert Lewandowski wa Bayern Munich watsinze ibitego 13,Sebastien Haller wa Ajax yatsinze ibitego 11.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO