Karim Benzema yakoze amateka akomeye ahesha Real Madrid igikombe kiruta ibindi I Burayi

Real Madrid yaraye yegukanye igikombe kiruta ibindi i Burayi gihuza ikipe yatwaye UEFA Champions League n’iyatwaye UEFA Europa League.

Ikipe ya Real Madrid yatsinze Frankfurt ibitego 2-0,Muri ibi bitego harimo Kimwe cya Karim Benzema cyamugize rutahizamu wa kabiri w’ibihe byose mu mateka ya Real Madrid,nyuma ya Cristiano Ronaldo.

Karim Benzema yanyuze ku mukinnyi Raul Gonzarez Blanco dore ko ariwe wazaga ku mwanya wa kabiri,watsindiye ibitego byinshi Real Madrid mu mateka yayo.

Real Madrid yorohewe n’uyu mukino wa UEFA Super Cup yatsinzemo Eintracht Frankfurt kuko yari hejuru kuva kuburyo bugaragarira buri wese.

Real Madrid yafunguye amazamu ku munota wa 37 ku gitego cyatsinzwe na David Alaba.

Karim Benzema yatsindiye Real Madrid igitego cya 2 ku munota wa 65 w’umukino ku mupira mwiza yahawe na Vinicius Jr.

Iki gitego ni icya 324 Benzema yatsindiye iyi kipe ye,byamushyize imbere ya Raul ku mwanya 2 w’abamaze gutsindira Real Madrid ibitego byinshi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO