Abateje imbere ivugabutumwa bagiye kuzajya babishimirwa

Karisimbi Events, ikigo gisanzwe gikora ibikorwa byo guhemba abantu n’ibigo mu nzego zitandukanye mu rwego rwo kubashimira ibikorwa byiza bakoze kuri ubu bateguye umuhango wo gushimira ababarizwa mu gisata cyo kuramya no guhimbaza Imana.

Mu kiganiro Mugisha Emmanuel yagiranye na Genesisbizz yadutangarije byinshi kuri icyo gikorwa. Yagize ati “Rwanda Worship Leaders Gala Night n’igikorwa cyo gushimira abayobozi b’amatsinda yo kuramya no guhimbaza Imana, Amakorali n’abandi bafite aho bahurira n’ivugabutumwa bagize uruhare mu guteza imbere abahanzi baririmba indirimbo zo kuramya Imana kugira ngo barumuna babo babe bakora ibyagizwemo uruhare na bakuru babo."

Yakomeje atubwira ko kubera impamvu za Covid-19 uyu mwaka bazahemba abantu 25, amakorali 4 ariyo Korali Hoziyana, Ambasadors of Christ, Rehoboth Choir na Chorale de Kigali , Radio 2 zikora ibiganiro byo guhimbaza Imana arizo Sana Radio n’Umucyo.

Yatubwiye kandi ko batekereje no ku banyamakuru bateje imbere ibikorwa byo kuramya no guhimbaza nka Eddy Kamoso, Patrick Kanyamibwa witabye Imana ndetse na bamwe muba pasiteri bagiye batangiza insengero zagize uruhare mu kwigisha ijambo ry’imana mu Rwanda.

Mu gusoza Mugisha yatubwiye ko bifuza kuzongera umubare uko imyaka izagenda ikurikirana bazajya bakomeza barebe abantu bakoze neza mu bijyane no kuramya no guhimbaza bagashimwa gusa yashimangiye ko iki gikorwa kizatajya kiba binyuze mu matora ahubwo bazajya bakora ubushakashatsi banyuze mu bantu bahembe abitwaye neza.

Biteganyijwe ko iki gikorwa kizaba tariki ya 26 Ukuboza 2021 muri Marriot Hotel kwinjira bikaba ari ibihumbi 20 na 200 kubazafata ameza manini.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO