Karolina Bielawska ukomoka muri Polonye niwe wegukanye ikamba rya Miss World 2021

Mu irushanwa rya nyampinga w’isi rizwi nka Miss World ryabaga ku nshuro ya 70 ryaje kuba ryegukanwa n’umukobwa ukomoka mu gihugu cya Polonye, naho Shree Saini ukomoka mu gihugu cya Leta zunze ubumwe za Amerika niwe wabaye igisonga cya mbere ndetse Olivia Yace ukomoka mu gihugu cya Cote D’Ivoire niwe waje kuba igisonga cya kabiri.

Uyu mukobwa Karolina Bielawska ukomoka mu gihugu cya Polonye yaje kuba atwara iri rushanwa rya nyampinga w’isi ryabaga ku nshuro ya 70 aho ryaje kuba ribera mu gace ka Puerto Rico, ibi birori byaje kuba bibera muri San Juan muri Puerto Rico.

Ikamba ryaje guhabwa uyu mukobwa witwa Karolina Bielawska ukomoka mu gihugu cya Polonye bituma aba nyampinga w’isi wa 2021, naho igisoga cya mbere muri iri rushanwa ry’ubwiza ku rwego rw’isi yabaye umukobwa ukomoka muri Leta zunze ubumwe za Amerika witwa Shree Saini mu gihe igisonga cya gatatu yabaye umukobwa uturuka ku mugabane w’Afurika mu gihugu cya Cote D’Ivoire witwa Olivia Yace.

Uyu mukobwa kandi yaje kwambikwa ikamba n’umukobwa ukomoka mu gihugu cya Jamaica witwa Tonni-Ann-Singh dore ko uyu mukobwa wo mu gihugu cya Jamaica ariwe waherukaga kwegukana iri kamba rya nyampinga ku rwego rw’isi.

Ni mugihe kandi umuhindekazi Manasa Varanasi nawe yageze mu bakobwa 13 bageze mu majonjora ya nyuma gusa ntabwo yabashije kuza mu bakobwa 6 banyuma bagombaga gutoranywamo umwe wegukana iri kamba ryo kuba nyaminga w’isi muri uyu mwaka wa 2021.

Amakuru dukesha ikigo gishinzwe gutegura amarushanwa y’ubwiza ku isi yemezako uyu mukobwa wabaye nyampinga ku rwego rw’isi ubu arimo kwiga kaminuza mu bijyanye n’icungamutungo ndetse akaba agomba gukomeza PHD muri iri shami ry’icungamutungo.

Ku rukuta rwa instagram rw’abashinzwe gutegura amarushanwa y’ubwiza ku isi bagaragaje ko Carolina afite umuhate ukomeye mu bikorwa bidaharanira inyungu bisaba gukorera ubushake.

Bakomeje bavugako akaba afite n’imishinga ijyanye n’ubwiza yitwa ’’Zupa Na Pietrynie’’ igamije gukura mu bukene abatagira aho baba ndetse iyi mishinga ye buri cyumweru ifasha abantu mu gihugu cya polonye barenga 300 batuye mu gace kitwa lodz.

Aba bagezwaho imyambaro, ibiribwa hamwe n’ibinyobwa tutirengagije n’ibindi bitandukanye, uyu mushinga we kandi wabashije gufasha abantu badafite aho baba aho bubakiwe ubwogero rusange bashobora kwiyuhagiriramo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO