Kenny Sol mu byishimo byinshi nyuma yo kwesa agahigo yari amaranye iminsi

Umuhanzi Kenny Sol ari mu byishimo byinshi nyuma y’uko agahigo yari amaranye iminsi myinshi akesheje nyuma y’amezi umunani.

Kenny Sol yerekanye amarangamutima menshi muri iki gitondo cyo kuri uyu wa gatanu tariki 4 Gashyantare 2022 nyuma yo kugera ku gikorwa kinini nk’uko yabitangaje.

Uyu muhanzi wakunzwe mu ndirimbo zitandukanye nka Umurego, Agafire, Forget, Say My Name n’izindi zitandukanye ubu ari mu byishimo bikomeye nyuma y’uko indirimbo ye "Haso" imaze kurebwa n’abantu miliyoni ku rubuga rwe rwa youtube.

Kenny Sol avuga ko ari ibintu yari yarifuje kuva kera, none inzozi ze nyuma y’amezi umunani azigezeho kuko aribwo iyi ndirimbo yashyizwe hanze.

Inzozi z’uyu muhanzi zifite ishingiro kuko urubuga rwa Youtube ni rumwe mu zishyura agatubutse abantu bashyiraho ibihangano byabo.

Amakuru dukesha Business Insider avuga ko Youtube ishobora kwishyura hagati y’amadolari ya Amerika 5,752 $ -7,000 $, aya ari hagati ya (5,843,692 -7,111,587 RWF) ku muntu wujuje miliyoni y’abarebye ibihangano bye.

Reba indirimbo "Haso" ya Kenny Sol hano

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO