Kenya Airways yahagaritse ingendo zijya mu buhinde

Ikigo gikora ubwikorezi bwo mu kirere cya Kenya Airways cyahagaritse ingendo z’indege zacyo zekereza mu bice bitandukanye mu gihugu cy’Ubuhinde kubera ubwiyongere bw’icyorezo cya Covid-19 bukomeje guhitana abatari bake muri icyo gihugu .

Minisitiri w’ubuzima Mutahi Kagwe yavuze ko iki cyemezo cyafashwe nyuma yahoo ku mugabane w’Aziya cyane cyane mu gihugu cy’Ubuhinde hari ikibazo cy’ubwiyongere bw’ubwandu bwa Coronavirus .

Minisitiri Mutahi Kagwe yavuze ko icyo cyemezo kizatangira gukurikizwa kuri uyu wa gatandatu tariki ya 1 Gicurasi2021kikazamara ibyumweru bibiri gusa yashimangiye ko indege zitwara imizigo zo zizakomeza zigakora nkibisanzwe.

Yakomeje avuga ko umuntu wese uzava mu buhinde mbere y’uko icyo cyemezo gitangira gukurikizwa azapimwa Covid-19 ,abazayisanganwa bose bazahatirwa kwishyira mu kato k’ibyumweru bibiri.

Kugeza ubu Ubuhinde n’icyo gihugu cyaciye agahigo ko kugira abanduye coronavirus benshi mu gihe cy’amasaha 24 ashize aho abantu 350.000 bayanduye bigatuma ibitaro byo muri icyo gihugu byinshi byuzura ndetse n’abantu benshi bakaba bakomeje gupfira mu muhanda.

Igihugu cya Malawi nacyo kiyongereye ku bindi byinshi byabujije abagenzi kuva mu Buhinde, ndetse na Bangladesh, Burezili na Pakisitani kubera ikwirakwizwa rya virusi ya corona muri ibyo bihugu.

Indege zitwara imizigo zo zemerewe gukomeza gukora nk’bisanzwe

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO