Kenya: umugabo yafunzwe azira gushaka gusambanya nyina

Umugabo witwa Dan Otieno ukomoka mu gihugu cya Kenya yatawe muri yombi azira icyaha cyo gushaka gusambanya nyina umubyara ubwo yari yasinze.

Amakuru ducyesha ibitangazamakuru byandikirwa mu gihugu cya Kenya avuga ko ibi byabere mu cyaro cyahitwa Karao mu gace kitwa kombewa Seme Sub-County mu ntara ya Kisumu mu gihugu cya kenya.

Umuyobozi w’ako gace Caleb Okuom yavuze ko aya makuru yamenyekanye biturutse kuri umwe mu bayobozi b’umudugudu waho ibi byabereye witwa Martin Omware.

Okuom yavuze ko Omware yamubwiye ko ukekwaho icyaha yitwa Dan Otieno ndetse ko uyu mugabo ngo yageze mu rugo yasinze ahita atangira gusagarira nyina ashaka kumusambanya ku gahato.

yagize ati’’ ushinjwa yageze mu rugo yasinze atangira gusagarira nyina umubyara agamije kumusambanya ku gahato.

Umuyobozi w’ako gace yahise amenyeshwa amakuru, nawe ahita yiyambaza abandi bayobozi babasha gufata ushinjwa ariwe bwana Dan Otieno bahita bamushyikiriza ibiro bya polisi yo mu gace ka kombewa.

Hellen Rotich umuyobozi w’ibyo biro bya Polisi yatangarije ikinyamakuru cyo muri icyo gihugu cyitwa k24TV ko uwashinjwaga yahise afungirwa kuri ibyo biro bya polisi gusa akaba yarashyikirijwe urukiko kugirango aburanishwe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO