Kera kabaye Paris Saint Germain igiye gutandukana n’abakinnyi benshi bayo badatanga umusaruro

Iyi kipe ya Paris Saint Germain isanzwe ibarizwa mu murwa mukuru w’igihugu cy’Ubufaransa kuri ubu inkuru igezweho ni uko yitegura gutandukana n’abakinnyi bagera ku icyenda muri iyi mpeshyi iza.

Ibi bije nyuma y’uko iyi kipe ibabaje cyane abakunzi bayo nyuma yo gusezererwa na Real Madrid mu irushanwa rikomeye rya Champions League mu ijoro yo kuwa gatatu ushize.

Ibi Kandi bikomeje gukomerera abakinnyi nka Neymar ndetse na Lionel Messi nyuma y’aho kuri iki cyumweru mu mukino wa shampiyona y’igihugu cy’Ubufaransa aba bakinnyi bombi bavugirijwe induru n’abafana kubera ko bananiwe gufasha ikipe yabo muri Champions League.

Iyi kipe mu mpeshyi ishize no mu myaka yose itambutse yakomeje kwigaragaza ku isoko ry’igura n’igirishwa ry’abakinnyi kugirango ibashe gukoza imitwe y’intoki ku gikombe cya Champions League gusa nubu amaso yaheze mu kirere.

Ubu rero kuri iyi kipe nayo iri mu zamamariza U Rwanda igiye kugurisha abakinnyi bagera ku icyenda ndetse kandi bamwe ngo bazasigara bashobora kugabanyirizwa imishahara bahembwa.

Ikipe ya Paris Saint Germain iri mu makipe ahemba amafaranga menshi abakinnyi kuko bivugwako nibura buri mwaka ihemba arenga miliyoni magana atatu aho kizigenza Lionel Messi ahembwa arenga Miliyoni mirongo ine nimwe z’Amayero buri mwaka muri iyi kipe.

Ikipe ya Paris Saint Germain ikomeza ivugako Kandi abakinnyi barimo nka Klyan Mbappe na Angel Di Maria bagomba kwigendera kuko amasezerano yabo arangiye dore ko Mbappe yirinze kongera andi masezerano aho yifuza kwerekeza mu ikipe ya Real Madrid.

Abandi bakinnyi bashobora gusohoka muri iyi kipe haravugwamo:Leandro Parades, Idrissa Gueye, Julian Druxeller, Ander Herera n’abandi benshi.

Paris Saint Germain igiye kubakira ikipe kuri Kapiteni Marquinhos, Marco Verratti, Achraf Hakim n’abandi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO