Kera kabaye hagiye gukorwa ibindi biganiro by’amahoro hagati Y’Uburusiya na Ukraine

Ukraine n’Uburusiya bagiye gukorana ibiganiro, Ibi bije nyuma y’uko hafi ibyumweru bibiri bigiye kwihirika haba intambara hagati y’ibi bihugu, ibi biganiro bigiye kuba ku nshuro ya gatatu aho impande zombi zatangaje ko bigomba kuba nta kabuza.

Uburusiya na Ukraine batangaje ko hagiye gukorwa ibiganiro ku mpande zombi, Gusa aho bizabera n’igihe bizaberaho kugeza ubu ntago biratangazwa.

Ubushize impande zombi zabonanye ubugira kabiri ndetse ibiganiro byabereye mu gace kitwa Brest mu Burengerazuba bw’igihugu cya Beralus gusa ntacyo byagezeho gifatika.

Kuri ubu ibiciro byinshi ku isoko bikomeje kuzamuka cyane mu buryo bukomeye ku buryo byatangiye kugira ingaruka mbi z’ubukungu kuri buri gihugu cyose ku migabane yose y’isi.

Uburusiya kugerageza kwigarurira agace ka Mariupol byaranze kuri iki cyumweru, gufata aka gace hari icyo byaba bisobanuye cyane ku Burusiya ndetse bikaba byaba igihombo gikomeye cyane kuri Ukraine.

Gusa perezida wa Ukraine bwana Volodmyr Zelensky we muri iri joro ryakeye amaze gutangaza ko guhana Uburusiya mu bijyanye n’ubukungu bidahagije ahubwo ko ibihugu byo mu burengerazuba bikwiye kureba icyo byakora.

Bwana Volodmyr Zelensky kandi yakomeje asaba ikirere gicamo indege z’Uburusiya ko cyafungwa bityo akabona ko byatanga umudendezo, gusa ibi byatewe utwatsi abwirwa ko byaba bisa nko gushoza intambara ku Burusiya.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO