Kevin Monnet Paquet ukina mu Bufaransa ari ku rutonde rw’abakinnyi bahamagawe mu Amavubi

Umutoza w’ikipe y’igihugu y’u Rwanda (Amavubi) Mashami Vincent yahamagaye abakinnyi 37 agomba kwifashisha ku mukino uzabahuza na Cape Verde mu gushaka itike y’igikombe cy’Afurika cya 2022.

Abakinnyi bahamagawe bagomba kujya mu mwiherero bitegura umukino wo mu itsinda F mu gushaka itike y’igikombe cy’Afurika cya 2022. Uyu mukino biteganyijwe ko uzaba mu kwezi gutaha.

Kuri uyu munsi nibwo umutoza yahamagaye abakinnyi 37 bagomba kuzahurira mu mwiherero uzabera La Palisse Hotel I Nyamata. Gusa abo bakinnyi bazagenda basezererwa kugera hasigaye 23.

Umwiherero uzatangira ku wa Gatanu tariki ya 9 Ukwakira 2020 ariko ubanzirizwe no gupima abakinnyi.

Umukino wo biteganyijwe ko uzaba tariki ya 9 Ugushyingo 2020 muri Cape Verde, naho uwo kwishyura ube tariki ya 17 Ugushyingo 2020 i Kigali.

Abakinnyi 37 bahamagawe

Abanyezamu: Kimenyi Yves (SC Kiyovu), Kwizera Olivier (Rayon Sports), Ndayishimiye Eric (AS Kigali) na Rwabugiri Umar (APR FC)

Ba myugariro: Emery Bayisenge (AS Kigali), Manzi Thierry (APR FC), Rwatubyaye Abdul (Colarado Springs Switchbacks, USA), Nirisarike Salomon (Pyunick), Ombolenga Fitina (APR FC), Imanishimwe Emmanuel (APR FC), Eric Rutanga (Police FC), Mutsinzi Ange(APR FC), Rusheshangoga Michel (AS Kigali) na Rugwiro Herve (Rayon Sports)

Abakina Hagati: Bizimana Djihad (Waasland-Beveren, Belgium), Mukunzi Yannick (IF Sandvikens, Sweden), Haruna Niyonzima (Yanga SC, Tanzania), Niyonzima Olivier (APR FC), Muhire Kevin (El Gaish, Egypt), Ally Niyonzima (Azam FC, Tanzania), Nshuti Dominique Savio(Police FC),. Ngendahimana Eric (Kiyovu), Twizerimana Martin Fabrice (Police FC), Nsabimana Eric Zidane (AS Kigali), Manishimwe Djabel(APR FC), Niyomugabo Claude (APR FC) na Rubanguka Steve (A.E. Karaiskakis FC)

Abataka: Meddie Kagere (Simba SC, Tanzania), Jacques Tuyisenge (APR FC), Sugira Ernest (Rayon Sports), Kevin Monnet Paquet (Saint Etienne), Byiringiro Lague (APR FC), Sibomana Patrick (Police FC), Bizimana Yannick (APR FC), Hakizimana Muhadjili (AS Kigali), Mico Justin (Police FC) na Iyabivuze Ose(Police FC).


Kevin Monnet Paquet niyitabira bizaba ari ubwa mbere aje gukinira u Rwanda

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO