Kigali: Umunsi w’abakundanye wasize urwibutso rukomeye mu byamamare bikina Basketball

Kuri uyu wa Gatanu tariki ya 14/02/2020, hari kuri wa munsi witiriwe mutagatifu Valentin, usanzwe ufatwa nk’uwahariwe kwizihiza urukundo, hagati y’abashakanye cyangwa hagati y’abasore n’abakobwa batararushinga.

Ni umunsi wijihijwe nkuko bisanzwe hagati y’abakundana, ariko by’umwihariko, tukaba tugiye kwibanda ku byamamare bizwi mu mikino itandukanye hano mu Rwanda byemeye kuganira na Genesisbizz, uko byizihiza uyu munsi.

Mu bakinnyi batandukanye baganiriye na Genesisbizz, bamwe bavuze ko basanzwe bafata uyu munsi nk’indi minsi isanzwe, abandi bavuga ko ahanini aba ari umunsi wo kongera kwereka uwo ukunda ko umuzirikana. Mu bo twaganiriye kandi, bamwe ntibifuje ko amazina yabo atangazwa, gusa bavuga ko uyu munsi nabo bakora ibishoboka byose bakawizihiza barikumwe n’abakunzi babo.

Kaje Elie n’umukunzi we Ishimwe Phionnah

Mu bemeye kuganira natwe, bakatwemerera kujya mu nkuru yacu harimo, Kaje Elly ni umukinnyi wa REG basketball Club hano mu Rwanda. Uyu musore yabwiye Genesisbizz ko afite umukunzi ndetse ko yari yiteguye ku mutungura ku munsi w’abakundana ariko ntibibe bitewe n’umukino wa shampiyona ikipe ye ya REG yari ifitanye na Patriots BBC.

Uyu musore yagize ati: "Akenshi mba nateguye ahantu turi busohokere, ahari classic, hanyuma nkagura indabo n’impano, mu masaha ya nimugoroba mba namuteguje, nkajya kumusanganira iwabo nkamuhereza izo ndabo n’impano ye ubundi tugahita dusohoka"

Akomeze agira ati: "Gusa hari ubwo izo mpano ataha iwabo azihasanga namutunguye, mu gihe twabonanye turikumwe nkohereza umuntu akabijyana iwabo, yataha akabihasanga." Uyu musore wari ufite umukino ku mugoroba w’ejo yatunguye umukunzi we amugenera impano zirimo n’indabyo nyuma y’umukino.

Kaje Elie ni umukinnyi ukomeye cyane wa REG BBC

Rukundo Fabrice, umikinnyi wa Espoir arazwi cyane hano mu Rwanda, bitewe n’uko, yasabye umukunzi we ko yamubera umugore anamwambika impeta ibishimangira, abikorera imbere y’imbaga muri Kigali Arena, habaye umukino wa All Star Game.

Rukundo Fabrice yabwiye Genesisbizz ko we’umukunzi we Umuraza Emelyne, bishimanye mu buryo butangaje dore ko banitabiriye igitaramo cy’umuhanzi Yverry, cyabereye muri Camp Kigali.

Rukundo Fabrice n’umukunzi we Umuraza Emelyne

Yagize ati: "Ntabwo twigeze tubona umwanya wo kumarana umwanya muremure ariko, twari kujya mu gitaramo cya Yvreey ariko twabanje kujya gusangira ifi. Gusa njye nari nabanje kujya mu mujyi gushaka impano naribumuhe, hanyuma naje njye guhita njya mu mukino twari dufite na Tigers hanyuma nyuma tuza kujya mu gitaramo cya Yverry."


Fabrice yateye ivi imbere y’ibihumbi muri Kigali Arena
Aba bakinnyi bombi barazwi cyane mu mukino wa Basketball hano mu Rwanda. Kaje Elie asanzwe akina muri REG BBC naho Rukundo Fabrice we akaba akina muri Espoir BBC.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO