Perezida Kim Jong-Un yahunze umurwa wa Pyongyang kubera Coronavirus

Guverinoma ya Koreya ya Ruguru yatangaje ko perezida w’igihugu cyabo Kim Jong-un yahunze umurwa mukuru Pyongyang kubera kugirira ubwoba coronavirus.

Umwe mu baturage batuye mu gihugu cya Koreya Y’Epfo babonye uyu mugabo uyobora Koreya ya Ruguru ahunga, yahishuriye ikinyamakuru cyitwa ‘Chosun IlBO’ ko yerekeje mu gace kitwa Wonsan.

Abahanga mu bya politike muri icyo gihugu bavuze ko Kim Jong-un yavuye mu murwa mukuru kugeza igihe kitazwi kubera Coronavirus irimo guca ibintu.

Ibi bije nyuma y’uko raporo igaragaje ko abasirikare 180 bananiwe guhangana n’igitutu cy’iyi virusi ya COVID-19 muri ubu bwami bufunze.

Abasirikare barenga ibihumbi 3,700 bari mu kato nk’uko igisirikare cyo muri Koreya ya ruguru kibitangaza. Gusa ubuyobozi bwa Pyongyang bwo buracyakomeza guhakana ko iyi virusi yageze ku mipaka y’iki gihugu.

Ubutegetsi bwa Pyongyang buri gushaka urukingo rwakora neza mu kuvura iyi virusi n’izindi ndwara zinyuranye nk’uko byemejwe n’ibinyamakuru byo muri Koreya kuwa mbere w’iki cyumweru.

Ntago bizwi neza igihe yaherukiraga mu murwa mukuru Pyongyang, ariko amafoto agaragaza ko tariki 29 Gashyantare yagaragaye akoresha inama abagize inama nyobozi mu ishyaka rye basa nk’abari mu murwa mukuru w’iki gihugu.
Ahantu hari gushyirwa mu kato abasanzwemo Coronavirus ku kibuga cy’indege mpuzamahanga cya Pyongyang

Mu nkuru y’ikinyamakuru cyitwa Daily NK cyatangaje ko leta ya Koreya ya ruguru yategetse ko imibiri y’abapfuye itwikwa kugira ngo idakomeza kubika iyi virusi ari nako ikwirakwira cyane ko imaze kuba myinshi.

Abayobozi b’igisirikare muri iki gihugu bavuga ko gusa ibitaro kujya bitwika aba bitabye Imana kubera Corona byazababera umugogoro. Bityo ko ahubwo icyaborohera ari uko buri muyobozi w’ingabo zaho iyo mibiri iri yajya abitwikira.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO