Kim Kardashian ubu ni ingaragu byemewe n’amategeko ndetse yakuye West mu mazina ye

Umunyamidelikazi akaba n’umwe mu bavuga rikijyana ku mbuga nkoranyambaga Kim Kardashian ubu ni ingaragu mu buryo bwemewe n’amategeko nyuma yo guha gatanya umugabo we Kanye West (Ye).

Kim Kardashian na Kanye West (Ye) ni bamwe mu bantu bavuzwe cyane mu bitangazamakuru bitandukanye kuva mu mpera z’umwaka wa 2021 kugeza uyu munsi bitewe n’itandukana ryabo.

Aba bombi bashakanye mu buryo bwemewe n’amategeko tariki 24 Gicurasi 2014, Benshi bakomeje kubashinja ko bari mu bucuruzi ko ibya gatanya yabo ari ibihuha ko ahubwo bagirango bavugwe banacuruze mu buryo bumwe cyangwa ubundi.

Gusa kugeza ubu Kim Kardashian yamaze kwemererwa guhabwa gatanya n’umugabo Kanye West (Ye) n’ubwo yanze kumusinyira gatanya ndetse ntagaragare mu rukiko ku munsi Kim yemererwaga n’amategeko gutandukana n’umugabo we.

Kuva mu kwezi k’Ukuboza nibwo Kim yatse inkiko gatanya imutandukanya na Kanye, Ubu igisigaye ni uburyo aba bombi bazagabana imitungo n’uburyo bazumvikana ku buryo bazafatanya ku kwita ku bana bane babyaranye.

Nyuma yo guhabwa gatanya, Uyu mugore yahise akura izina West mu maziina ye aho Yitwaga Kim Kardashian West, haribazwa niba azafata iry’umukunzi we mushya Pete Davidson bamaze igihe bawubanye.

Kim na Kanye bamaze gutandukana burundu byemewe n’amategeko

Kim Kardashian asanzwe ari mu rukundo n’umunyarwenya Pete Davidson

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO