Kim Kardashian yasabye urukiko kwihutisha gatanya ye na Kanye West

Uyu munyamidelikazi w’Umunyamerika akomeje gusaba urukiko kutumva ubusabe bw’uwahoze ari umugabo we Kanye West bwo kugenza gake ibyijyane na gatanya yaba bombi bakarangiza iby’umubano wabo.

Uyu mugore aherutse kujya kuzuza ibyangombwa mu rukiko rwisumbuye rwa Los Angeles hari ku wa gatatu washize.

Yavuze ko Ye, ariwe uherutse guhindura amazina yari asanganywe ariyo Kanye West mu byangombwa bye aheruka kuzuza ko yongeyemo ingingo ivuga ko gutandukana bitari mu masezerano y’umubano wabo.

Avuga ko ibyo byose yavuze bishingiye ku binyoma.

Kardashian yavuze ko byoroshye kandi byumvikana ko Ye agerageza guhimba kandi ko bizakomeza kwangiza byinshi nakomeza kubikora.

Mu magambo y’uyu mugore yagiraga ati: "Nyakubahwa West ibikorwa bye bigaragaza neza ko ataremera ko umubano hagati yacu warangiye."

Mu kwezi k’Ukuboza, Kardashian nk’uko yari ahuriweho n’ibibazo bya gatanya yasabye urukiko kwemeza kubaho byemewe n’amategeko mbere y’uko bajya guha uburenganzira bw’abana babyarabye no ku mutungo wabo.

Aba bombi babyaranye abana 4 nyuma y’imyaka 7 bari bamaze bashakanye. Kardashian umwaka urashize asabye uburenganzira bwo gutandukana na Kanye West byeruye.

Amezi abiri arashize Kanye nawe yemeye ubusabe bwo gutandukana n’uburenganzira ku bana babyaranye no kuvana intambara mu bijyanye n’umutungo wabo.

Mu bihe bitambutse nibwo uyu muhanzi Kanye yagiye ku mbuga nkoranyambaga asa n’uwibasira Kardashian n’umuryango we ndetse n’umukunzi we bari kumwe ubu Pete Davidson.

Mu busabe bw’uyu mugore yasabye kurenganurwa agahabwa gatanya n’uwahoze ari umugabo we ko byamufasha gutera imbere.

Kandi yizeye ko kurangiza gatanya kwabo bizafasha na Kanye West kwemera ko umubano hagati yabo warangiye, Akageragereza ahandi bikazanatuma bafatanya kurera abana bafitanye neza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO