Kitoko ngo uyu mwaka ntumusiga ari ingaragu

Kitoko Bibarwa yerekanye ifoto ari gusomana n’umukobwa, ibintu akoze bwa mbere. Avuga ko iby’uriya mukobwa azabimenyesha abakunzi be vuba gusa ngo muri uyu mwaka wa 2020 birashoboka cyane ko azakora ubukwe.

Ku ifoto ye ya Profile iri ku rukuta rwa Kitoko rwa Instagram imugaragaza asomana n’umukobwa ariko iri mu mabara y’umukara n’umweru.

Uyu muhanzi yaganiriye na Genesisbizz tumubaza amakuru kuri iyo foto ndetse naho ahagaze ubu mu rukundo n’igihe yaba ateganyiriza gukora ubukwe.

Ati “Ibya Profile muzabimenyeshwa vuba ubu ndumva naba nihuse. Nzabivugaho ikindi gihe.”

Ku bijyanye nuriya mukobwa bari kumwe niba bakundana yavuze ko yifashe bitewe n’uko ari amakuru y’abantu babiri yaba agiye gutanga kandi batabyumvikanyeho.

Ku bijyanye no gukora ubukwe avuga ko Atari kera. Ati “N’uyu mwaka birashoboka cyane rwose.”

Uyu muhanzi ukora injyana ya Afro Beat yavuye mu Rwanda muri 2013 agiye kwiga, avuga ko ubu ari gusoza amasomo ye kandi ko azahita agaruka mu Rwanda akitwa umuturage waho hagati ya 2021 na 2022.


Uyu mukobwa bari gusomana ibye ngo azabitangaza vuba

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO