Kivumbi na Rema wo muri Nigeria bazasusurutsa abazitabira All-Star Game muri Basket

Divine Ikubor, uzwi ku izina rya Rema mu muziki ni umwe mu bahanzi batumiwe mu Rwanda aho afatanyije na Kivumbi bazasusurutsa abantu bazitabira umukino wa All Star.

Mu itangazo ryashyizwe hanze na Ferwaba biteganyijwe ko uwo mukino uzaba taliki ya 20 Ugushyingo nubwo hataratangazwa abakinnyi bazaba bayoboye abandi muri uwo mukino uhuza ibyamamare bikina umukino wa Basket mu Rwanda.

Kuri uwo mukino kandi biteganyijwe ko abahanzi barimo Rema na Kivumbi King aribo bazasusurutsa abantu.

Rema ni umuhanzi ukomoka muri Nigeria, yabonye izuba mu 2000 yamenyekanye cyane ubwo yakoranaga na Mavin Records ifasha abahanzi bakomeye muri icyo gihugu. Azwi mu ndirimbo nka ‘Woman, Dumebi, Soundgasma, Ginger me’ n’izindi.

Biteganyijwe ko uwo mukino ndetse n’icyo gitaramo bizabera muri Kigali Arena. Uyu muhanzi azakora icyo gitaramo havuye mugenzi we “Omar Lay” uzataramira Abanyarwanda taliki ya 13 Ugushyingo 2021.

Biteganyijwe ko mu bandi bahanzi bategerejwe muri Kigali bo hanze ari ‘Koffi Olomide, Rick Hassan’ n’abandi.


Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO