Kiyovu: Komite icyuye igihe yahaye inkoni y’ubushumba komite nshya

Uyu munsi tariki 1 Ukwakira 2020, nibwo ubuyobozi bw’ikipe ya Kiyovu Sport bucyuye igihe bwakoze ihererekanyabubasha na komite nshya, izayoborwa na Mvukiyehe Juvenal watorewe kuyobora iyi kipe.

Uyu muhango wari uyobowe na Komite icyuye igihe yari igizwe na Perezida Mvuyekure Francois washyikirije inshingano Mvukiyehe Juvenal perezida mushya wa Kiyovu Sport, yamuhaye ibyo bagezeho mu gihe bayoboraga Kiyovu Sport, ndetse n’izindi nyandiko zose bari bafite.

Komite nshya ya Kiyovu Sport yagiyeho ku cyumweru gishize tariki 29 Nzeri 2020, aho izayoborwa n’Umunyemari Juvenal Mvukiyehe. Iyi komite nshya yitezweho gukora ibikorwa byinshi bitandukanye birimo no kuyihesha igikombe iheruka mu myaka 25 ishize nkuko yabitangaje.

Komite nshya ya Kiyovu igizwe na Mvukiyehe Juvenal Perezida wa Kiyovu, Kayumba Jean Pierre Umuyobozi wa Board, Hon. Mukanoheri Saidati Umuyobozi wungirije wa Board, Kayiganwa Ange, Umubitsi wa Kiyovu, Munyengabe Omar Umunyamabanga wa Kiyovu.

Muzehe Francois wayoboraga Kiyovu Sport
Perezida ucyuye igihe Francois ibumoso ndetse na Perezida mushya wa Kiyovu Juvenal Kayumba Jean Pierre Umuyobozi wa Board ya Kiyovu
Amafoto :Funclub

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO