Knowless yashimiye Producer wamukoreye indirimbo ku buntu mu myaka 12 ishize

Butera Knowless ni umuhanzikazi umaze kubaka izina muri muzika nyarwanda aho amaze imyaka 12 akora umuziki,uyu mubyeyi kuri ubu wubatse ndetse akaba mama w’abana babiri yamaze gushimira umu-producer wamukoreye indirimbo ku buntu.

Ibi uyu muhanzikazi yabihishuye mu kiganiro yagiranye n’itangazamakuru aho yagarutse ku buzima bwe bw’umuziki amazemo imyaka isaga 12.

Knowless yavuze uburyo Junior Multisystem ariwe wamwinjije mu muziki amukorera indirimbo ye ya mbere nta kiguzi amusabye.

Butera Knowless yagize ati’’ junior Multisystem yakoreraga muri studio ahuriyeho na Lick Lick umunsi umwe yarambonye amenye ko nsanzwe ndi umuririmbyi muri korali yo ku ishuri ambwira ko yifuza ku nkorera indirimbo kandi ku buntu.

Icyo gihe Knowless yahise akora indirimbo yitwa ’’Nyumva’’ ubwo iyi ndirimbo yari muri studio,umuhanzi Young Junior wari icyo gihe mu bahanzi bazamukaga yifuje ko yayiririmbamo maze barayifatanya maze iba indirimbo ya mbere ya Butera knowless igiye hanze ubwo icyo gihe hari mu mwaka wa 2010.

Iyi ndirimbo ikimara gusohoka yarakunzwe bikomeye bituma Young Junior ahitamo kuyiririmba mu gitaramo yari yatumiwemo na Meddy.

Junior Multisystem niwe watunze itoroshi ku mpano ya knowless bituma Lick Lick nawe atangira kumufasha mu ndirimbo yagiye ahimba zakurikiyeho.

Junior Multisystem yagize uruhare rukomeye muri alubumu ya mbere ya Knowless yitwa ’’Komeza’’ yamuritswe mu mwaka wa 2011,ndetse uyu mugabo yakomeje kugenda akorera Knowless indirimbo zitandukanye uko imyaka yakomeje kugenda itambuka.

Knowless yatakagije bikomeye Junior Multisystem mu kiganiro yagiranye n’itangazamakuru avuga ko uyu mugabo yamubereye ibuye ry’ifatizo ku muziki we muri rusange ndetse anahamya ko indirimbo yamukoreye ariyo yamufashije kumenyekana.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO