Collabo yanjye na Safi yaba iryoshye – Knowless avuga ku wamubajije niba bakorana indirimbo

Umuhanzikazi Butera Jeanne d’Arc Uzwi nka Knowless mu cyumweru gishize yashyize ubutumwa kuri Instagram ye asaba abakunzi be kumuba icyo bumva bashaka kumumenyaho cyose, umwe aganisha ku kuba niba yakwemera gukorana indirimbo na Safi Madiba bakanyuzanyijeho mu rukundo.

Nyuma yo gushyiraho ubwo butumwa bamwe mu bafana be batangiye kumubaza ibibazo bitandukanye maze umwe muri bo witwa Jayro 371 amubaza niba byashoboka ko yakorana indirimbo na Safi Madiba bakundanye igihe kitari gito.

Knowless nyuma yo kubona icyo kibazo nawe ntiyazuyaje kuko uwo munsi yari yawuhariye abafana, yamusubije ko ntakibazo rwose aramutse abimusabye bayikorana kandi ikaba nziza.

Iby’uyu mufana ni ikibazo gihurirwaho na benshi dore ko aba bahanzi kuva batandukana mu rukundo nta n’umwe urabasha kwegera undi ngo babe bakorana indirimbo. Ni gake kandi uzasanga hari abakundanye nyuma bamara gutandukana bakaba bakorana indirimbo.

Abigeze kubigerageza ni Riderman na Asinah ariko nabwo byaje kurangira habayeho ukutumvikana ku mpande zombi aho byaje kurangira Riderman atagiye muri Video y’iyo ndirimbo anashinja Asinah ko yaba yaragambanye na Producer bagakoresha ijwi rye atabizi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO