Koffi Olomide agiye kongera gutaramira Abanyarwanda

Umuhanzi wo mu gihugu cya Repubulika iharania Demokarasi ya Congo, Antoine Christophe wamenyekanye nka Koffi Olomide ategerejwe I Kigali aho biteganyijwe ko azataramira Abanyarwanda mu mpera z’uyu mwaka.

Iby’inkuru y’uko Koffi azataramira mu Rwanda bitangajwe nyuma y’uko amabwiriza y’ingamba zo kurwanya Icyorezo cya Covid-19 akomorewe bimwe mu bikorwa by’imyidagaduro ndetse n’ibitaramo bikongera kuba.

Amakuru Yizewe agera Kuri Genesisbizz ni uko uyu mugabo w’imyaka 65 azataramira abanyarwanda nyuma y’umunyanijeriya Omah Lay uzaririmba kuwa gatandatu tariki ya 13 Ugushyingo 2021 muri Kigali Arena, Nubwo itariki Koffi we azataramiraho itaramenyekana biravugwa ko ari mu kwezi kwa Ukuboza.

Koffi Olomide yaherukaga kuririmbira mu Rwanda mu mpera z’umwaka wa 2016 muri Kigali Convention Center mu gitaramo cya Kigali Count Down Events.

Mbere yaho Koffi Olomide yaherukaga gukorera igitaramo i Kigali mu mwaka wa 2009, icyo gihe yaririmbiye kuri Stade Amahoro,

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO