Ku isabukuru y’imyaka 70 amaze ku butegetsi umwamikazi w’Ubwongereza Elizabeth II yatangaje uzamusimbura

Kuri iki cyumweru tariki 6 Gashyantare, Umwamikazi w’Ubwongereza Elisabeth II yatangaje uzamusimbura igihe yizihizaga isabukuru y’imyaka 70 amaze ku ngoma.

Elizabeth Alexandra Mary Windsor yavutse tariki 21 Mata 1926, ni umwamikazi w’Ubwongereza kuva mu 1952 ubwo yari afite imyaka 25, icyo gihe nibwo ise umubyara yatabarutse ahita yambikwa ikamba.

Umwamikazi Elizabeth w’imyaka 95 yatangaje ko igihe umuhungu we Charles w’imyaka 73 azaba umwami, umugore we Camilla ko azahita aba Umwamikazi.

Yagize ati " Ndifuza gushimira buri wese ku bw’ubufasha mwampaye mukananshyigikira, Nzahora iteka ryose mbizirikana kandi mbashimira ku bw’ubudahemuka n’urukundo mwampaye."

"Igihe nikigera, umuhungu wanjye Charles akaba umwami, Ndabizi neza ko we n’umugore we muzabashyigikira nk’uko nanjye mwanshyigikiye, Ndifuza ko icyo gihe nikigera Camilla azitwa umwamikazi mu gihe azaba ari gukomeza imirimo ye asanzwe ashinzwe nk’umwizerwa. "

Umwamikazi Elizabeth mu myaka 25.


Camilla uzasimbura Umwamikazi Elizabeth.

Camilla hamwe n’umugabo we Charles.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO