Kubera ko n’izibika zari amagi!Bukayo Saka ukinira Arsenal nawe yamaze gutwara igihembo gikomeye ahigitse rutahizamu Harry Kane

Umukinnyi w’ikipe y’igihugu y’Ubwongereza Bukayo Saka ukinira ikipe ya Arsenal yamaze kwegukana igihembo cy’umukinnyi mwiza w’Umwongereza wahigitse abandi mu mwaka ushize w’imikino nyuma yo kwitwara neza mu gikombe cya Euro ubwo bageraga ku mukino wa nyuma.

Uyu mukinnyi Bukayo Saka yamaze kwegukana iki gihembo nyuma yo kwitwara neza mu mwaka ushize w’imikino mu ikipe ye ya Arsenal ndetse no mu ikipe y’igihugu.

Ku mugoroba wo kuri uyu wa Gatanu ikipe y’Ubwongereza igomba gukina n’Ubutaliyani mu irushanwa rya UEFA Nations League ndetse biteganyijwe ko Bukayo Saka agomba gutangira mu ikipe igomba guhatana n’Ubutaliyani.

Uyu musore w’imyaka 21 y’amavuko yamaze guhigika kabuhariwe Harry Kane ndetse na Declan Rice ukinira ikipe ya West Ham United nyuma yo kugaragaza impano idasanzwe mu mikinire ye akunda kugaragaza.

Bukayo Saka afatwa nk’umwe mu bakinnyi bakiri bato kandi bafite akozoza mu gihugu cy’Ubwongereza ndetse nyuma yo gutwara iki gihembo uyu musore yahise asagwa n’akanyamuneza gakomeye,

Mu magambo ye Bukayo Saka yagize ati:Sinigeze ntekereza ko nagera kuri ibi gusa ndishimye kuko ni icyubahiro gikomeye mu byukuri ndishimye cyane.

Kugeza uyu munsi Bukayo Saka ni umwe mu bakinnyi ngenderwaho mu ikipe ya Arsenal ndetse kuri ubu amaze gufasha ikipe ye kuba iyoboye urutonde rwa shampiyona y’Ubwongereza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO