Kubo Bireba… Igihe kirageze ngo umuhanzi Nyarwanda ahabwe agaciro

Alex Muyoboke usanzwe afasha abahanzi yatanze igitekerezo cye ku muziki Nyarwanda yibaza impamvu abahanzi baserukiye u Rwanda mu bikorwa bitandukanye ku Isi batajya bahabwa agaciro n’inzego zibashinzwe mugihe bo iyo babakeneye bababonera igihe.

Ibi byahereye ku muhanzi Alyn Sano uheruka gutsindwa mu irushanwa rya ‘The Voice Afrique Francophone’ ariko hakanengwa ko Abanyarwanda batigeze bamushyigikira kandi yaragiye yambaye ibendera ry’Igihugu.

Muyoboke avuga ko Sano ari umuhanzi w’umuhanga. Ati “Nubwo utegukanye iri rushanwa isi yose yabonye ubuhanga bwawe. Wakoze ibyo ushoboye ibyiza birimbere Africa yakubonye ndetse n’isi yose ko ushoboye.”

Nyuma y’ubwo butumwa yahise yandika ubutumwa yageneye abashinzwe abahanzi muri Leta.

Ati “Kubo bireba!!”

Iki ni igisebo kubo bireba niba no gukora cyangwa gushishikariza ngo mubwire Abanyarwanda bashyigikire Iyi Mpano y’u Rwanda ku buryo itsindwa kubera kunanirwa amatora ya SMS.

Aline Shengero Sano yagiye yambaye Ibendera Ry’uRwanda nakomeje kwibaza impamvu abo bireba bafite umuziki mu nshingano zabo, ntacyo bavuga yaba ku mbuga nkoranyambaga n’ahandi hose mutangira ubutumwa, nkibaza ntibabimenye!!...ariko yagiye yambaye Ibendera ry’igihugu kandi byaranditswe ndetse nimwe mwana muhaye iryo bendera!

Kubo Bireba. Igihe kirageze ngo umuhanzi Nyarwanda ahabwe agaciro ndetse n’icyubahiro akwiye, ntakitabazwe mugihe mu mu mukeneye ariko we n’abakenera ntababone. Hari ingero nyinshi aho umuhanzi w’umunyamahanga aza agahabwa agaciro nibyubahiro ariko umuhanzi Nyarwanda agafatwa nku mufana w’uwo muhanzi w’umunyamahanga, bigomba Guhinduka!!

Ibi binyibukije umuhanzi Dushime Burabyo Yvan (Yvan Buravan)Ubwo yazanaga igikombe cya Prix Découvertes RFI 2018 ntihagire mubo bireba ntihagire n’umwe Umushimira nyamara ahandi mu bindi bihugu yarakirwaga neza bumvise ko avuye Mu Rwanda.

Bahanzi namwe mubona mugenzi wanyu agiye muri international competition nkizi mu muziki mukanuma. Ntekereza ko igihe kigeze ngo abahanzi muhagurukire rimwe, mushyigikirane muterane ingabo mu bitugu. uyu mwuga muwuheshe agaciro bareke kuwutesha agaciro.” Muyoboke Alex, Umukunzi wa muzika Nyarwanda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO