Umukinnyi wa filime ukomoka muri Ukraine yababaje benshi nyuma yo kugwa ku rugamba

Nyuma y’aho Uburusiya buteye Ukraine mu ntambara igiye kumara hafi ibyumweru bibiri abantu benshi muri Ukraine biyemeje kurwanira igihugu cyabo kugirango barinde ubusugire bw’iki gihugu,niyo mpamvu umusore w’imyaka 33 wari umukinnyi wa Filimi nawe yari muri uwo mujyo.

Magingo aya Vladimir Putin akomeje kohereza abasirikare benshi muri Ukraine aho amanywa n’ijoro nta gahenge kari hagati y’ibihugu byombi.

Nubwo bwose bimeze bitya Uburusiya bukomeje nabwo gutangaza ko burimo kuhaburira abasirikare babwo benshi barimo n’abasirikare bakuru muri iki gihugu.

Nyamara ku rundi ruhande Ukraine nayo ntiyorohewe kuko abaturage barenga Miliyoni ebyiri bamaze guhungira mu bihugu by’abaturanyi mu gihe amagana y’abaturage akomeje gupfira muri iyi ntambara ihuza ibihugu byombi.

Ni muri uwo mujyo umusore w’imyaka 33 wamamaye cyane muri filimi hamwe no mu biganiro yakoraga kuri televiziyo nawe yaguye ku rugamba rw’amasasu ubwo yari mu b’imbere bahanganye n’ingabo z’Uburusiya.

Pasha Lee wakoze kuri televiziyo ndetse agakora n’ibindi bintu binyuranye cyane mu ruganda rw’imyidagaduro muri Ukraine yababaje abaturage bo muri Ukraine nyuma yo kugaragaza ubutwari bwe n’ubwo atabashije kurokoka amasasu.

Ibi byateye abaturage benshi intimba ndetse bakomeza kuvuga ko batazigera bababarira Uburusiya.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO