Kuri ubu abahanzi babarizwa muri The Unit, NP na B Drew bashyize hanze indirimbo yitwa "Urabahiga"

Umuziki w’u Rwanda ugenda waguka uva mu kugira impano zikomeye no kugenda ukorwa kandi no mu bindi bihugu ibintu byagiye bitanga umusaruro mu minsi itandukanye kuva muri za 2010.

Kuri ubu abahanzi babarizwa muri The Unit, NP na B Drew bashyize hanze indirimbo yitwa ‘Urabahiga’.

Mu kiganiro GENESISBIZZ yagiranye na NP umwe mu bagize iri itsinda, yasobanuye byinshi ku rugendo rw’umuziki wabo, avuga uburyo bugoranye bawukoramo anagira icyo yisabira abafana ba The Unit n’umuziki muri rusange.

Yanzitse asobanura The Unit mu magambo macye agira ati: ”Nitwa Noheli Pacifique ntuye muri Leta ya Ohio muri Leta Zunze Ubumwe za Amerika, mbarizwa mu itsinda rya The Unit itsinda ry’abaraperi babiri njyewe na mugenzi wanjye utuye muri Leta ya Michigan, B Drew.”

Agaruka ku buryo batangiyemo umuziki agira ati: ”Twatangiye umuziki mu mwaka wa 2014 ni ukuvuga ngo twageze aha ngaha twakoreraga umuziki mu karere ka Gicumbi niho twari dutuye tukihagera dushaka gukomeza urugendo rwacu rw’umuziki kuko turawukunda.”

Avuga ko ariko bitari byoroshye ati: ”Nta promotion ntabwo twari twamenyera uburyo amasitidiyo akora ibintu by’umuziki turi mu gihugu cy’amahanga turagerageza tuza kubona ahantu twajya dukorera record tukajya tugenda tukanakora na vocals.”

NP avuga ko kugeza ubu ibihangano byose bakora bitunganyirizwa mu Rwanda mu buryo bw’amajwi ati: ”Mbere na mbere beat zikorwa n’abanyarwanda kuko dukunda umuziki wacu wa kinyafurika.

Indirimbo ya mbere twayikorewe na Element tuyikoranye na Passy Kizito wahoze mu itsinda rya TNP indirimbo yitwa ’Nzagaruka’.”

Yongeraho ati: ”Haje gucaho nk’amezi atandatu dukorana indirimbo na Gisa cy’Inganzo indirimbo tuyikorera kwa Knox Beat, amashusho yayo yakozwe na Oskados afatanije na Prince utuye muri Amerika.”

Kuri ubu avuga ko bashyize hanze indirimbo yindi nshya bakoranye n’umuhanzi w’umuhanga ariko utaramenyekana.

Ati:”Na none hanyuzeho amezi agera kuri arindwi twasohoye indi ndirimbo yitwa ‘Urabahiga’ twari twifuje ko twayisohora ku munsi w’abakundana kuri Saint Valentin, gusa haje kubaho impinduka biba ngombwa ko tuyisohora inyuma gato.”

Mu buryo bw’amajwi iyi ndirimbo yabo nshya yatunganijwe na X On The Beat abivuga agira ati: ”Urabahiga rero ni indirimbo twakoreye abantu bose bakundana umuntu wese ufite uwo akunda bya nyabyo akaba abona ko ari we yarutishije abandi, ni indirimbo nziza yakozwe na producer X wo muri Hi5.”

’Urabahiga’ ikaba ari indirimbo The Unit bari basanzwe barakoze ariko bakifuza kuyinononsora abivuga agira ati: ”Indirimbo ’Urabahiga’ twari twarayikozeho na mbere ariko kubera ukuntu twari twarayikunze tuyisubiramo tunayikorera amashusho kuko mbere ntayo yari ifite kandi abantu barayikunze.”

Mu gusoza NP yahaye ubutumwa abakunda ibihangano byabo, ati:”Abakunzi bacu tumaze kubagira benshi muri iyo myaka yose tumaze icyo tubasaba ni ugusura channel ya youtube ya The Unit bagakora subscribe, share na like kuko tubafitiye ibyiza byinshi imbere rero dukomeze gufatanya duteze umuziki wacu imbere.”

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO