Kuva Juvenal Mvukiyehe yaba Perezida wa Kiyovu Sports iyi kipe ntiratsindwa mu mikino 5 na mukeba Rayon Sports

Juvenal Mvukiyehe ni umugabo ukomeje kuzanzamura ikipe ya Kiyovu Sports nyuma y’aho afatiye iyi kipe ndetse akanayigurira Bus. Kuri ubu iyi kipe ikomeje kwigandukana mukeba w’ibihe byose Rayon Sports dore ko Kiyovu Sports yaje kuba yongera gusubira ikipe ya Rayon Sports iyitsinda ibitego 2-0.

Ni umukino wabereye kuri Sitade ya Kigali I Nyamirambo maze Rayon Sports yakira Kiyovu Sports yaherukaga kuyitsinda mu mukino ubanza wa shampiyona y’icyiciro cya mbere mu Rwanda.

Iminota ya mbere igera mu 10 yaranzwe no gusatirana ku mpande zombi aho cyane cyane uruhande rwa Nizigiyimana Karim Makenzi rwakoze akazi ariko imipira ntiyatanga umusaruro.

Ikipe ya Kiyovu Sports yaje kubona igitego ku munota wa 34 bivuye kuri kufura aho umusore myugariro wa Rayon Sports Ndizeye Samuel yakoreye Emmanuel Okwi inyuma gato y’urubuga rw’amahina maze kufura iterwa neza na Bigirimana Abedi aho yaje gushyira umupira mu izamu, maze umunyezamu wa Rayon Sports Adolphe ntiyamenya uko bigenze ubwo igice cya mbere cyaje kurangira ari igitego cya Kiyovu Sports 1-0 Bwa Rayon Sports.

Umukino warakomeje mu gice cya kabiri amakipe yombi akomeza guhusha uburyo bukomeye gusa mu minota ine y’inyongera ikipe ya Kiyovu Sports yaje kubona igitego cya kabiri cyatsinzwe na Fred Mpozi ku mupira yari ahawe na Emmanuel Okwi, maze Kiyovu Sports ibona igitego cya kabiri bituma itahukana amanota 3 byaje gutuma ishimangira umwanya wa mbere ndetse ikaba ifite amanota 50.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO