Kwa Charly na Nina ngo ibintu ni amahoro

Haciyemo iminsi itari mike havugwa inkuru y’uko Rulinda Charlotte na Fatuma Nina Muhoza bagize itsinda rya Charly na Nina baba baratandukanye. Nina yanyomoje aya makuru avuga ko ubu ibintu ari amahoro.

Bimwe mu byahwihwiswaga ni amakuru yavugaga ko aba bakobwa bombi baba baratandukanye bitewe n’impamvu zinyuranye abantu bavugaga nko kuba barashwanye bigatuma buri umwe atifuza kongera kuririmbana na mugenzi we.

Nina ukunze kuvuganira iri tsinda cyane mu itangazamakuru yanyomoje aya makuru avuga ko ubu bameranye neza ntakibazo.

Ajya kubitangaza yabanje abinyuza ku status ya Whatsapp ye ashyiraho ifoto arikumwe na Charly baririmbana arenzaho ijambo rivuga ngo “Byose bimeze neza.”

Aganira na Genesis Tv yahamije aya makuru avuga ko bakiri kumwe kandi ko mu minsi mike bazagira icyo batangariza abafana babo.

Ati “ Ibintu ni amahoro.”

Nina ntabwo yifuje kugira byinshi avuga kuri aya makuru ahubwo yavuze ko ibirenze ibi bazabitangaza vuba cyane.
Aba bakobwa baherukaga gushyira hanze indirimbo yitwa ‘Ibirenze ibi’, yasohotse taliki 05 Werurwe, 2020.


Ubu hagati yabo ngo ibintu ni amahoro ntakibazo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO