#Kwibuka 28: Antonio Guterres yagaragaje amakosa y’imiryango mpuzamahanga mu bihe bya jenoside yakorewe abatutsi mu 1994

Umunyamabanga mukuru w’umuryango w’abibumbye Antonio Guterres yatangaje ko imiryango mpuzamahanga ntacyo yigeze imarira U Rwanda mu gihe cya Jenoside yakorewe Abatutsi muri Mata 1994.

Ibi yabitangaje nyuma y’uko U Rwanda rwibuka ku nshuro ya 28 Jenoside yakorewe Abatutsi muri Mata 1994.

Ni Jenoside ifite umwihariko dore ko Abanyarwanda bamwe bishe abandi kandi bavuga ururimi rumwe ndetse abandi bahuje isano ya hafi kugeza ubwo Abatutsi barenga Miliyoni imwe bishwe mu minsi 100 gusa.

Antonio Guterres yatangaje ko imiryango mpuzamahanga ikwiye kwemera intege nkeya zayo mu kunanirwa gutabara ubwo mu Rwanda habaga Jenoside yakorewe Abatutsi mu mwaka wa 1994.

Yakomeje kandi atangaza ko ari Jenoside yateguwe ku mugaragaro, bitari impanuka ahubwo byakozwe ku manywa y’ihangu ndetse bishyigikiwe n’ubutegetsi bwariho.

Avuga ko nta muntu n’umwe ukwiye guhakana ibyabaye nubwo bwose abantu bake cyane aribo bashobora kubivuga.

Mu gihe kandi hibukwa ku nshuro ya 28 Jenoside yakorewe Abatutsi mu Rwanda Antonio Guterres yatangaje ko iteka dufite amahitamo mu gutoranya ubumuntu kuruta urwango, dukwiye kandi kugira impuhwe kuruta ubugome ndetse n’ubwiyunge bukaganza urugomo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO