#Kwibuka 28: Menya byinshi ku Rwibutso rwa Jenoside yakorewe abatutsi rwa Nyamata rwahoze ari urusengero

Urwibutso rwa Jenoside rwa Nyamata ruherereye mu karere ka Bugesera mu ntara y’Uburasirazuba ndetse uru Rwibutso rwahoze ari urusengero gusa nyuma ubuyobozi bwa Kiliziya Gatolika buza kwemera ko uru rusengero ruhinduka Urwibutso rwa Jenoside yakorewe abatutsi mu 1994 kuko haguye inzirakarengane nyinshi.

Muri iki gihe U Rwanda rwifatanyije n’isi yose kwibuka ku nshuro ya 28 Jenoside yakorewe Abatutsi muri Mata 1994, ni Jenoside yaguyemo Abatutsi b’inzirakarengane basaga Miliyoni mu gihe kingana n’iminsi 100 gusa.

Ubwo ino Jenoside yakorwaga yageze ahantu hose harimo no mu karere ka Bugesera cyane cyane I Nyamata.

Nyuma y’urupfu rw’uwahoze ari Perezida w’U Rwanda Juvenal Habyarimana, ako kanya Jenoside yahise itangira hafi y’ibice byose bigize Akarere ka Bugesera ndetse Abatutsi batangira kwicwa ako kanya.

Ku italiki ya 07 Mata 1994 interahamwe zatangiye kwica Abatutsi benshi muri aka gace ndetse zitangira no gutwika amazu yabo.

Ku italiki 11 Mata 1994 abatutsi batuye I Nyamata batangiye guhunga basiga ingo zabo ndetse batangira guhungira ku kibuga cy’amashuri abanza cya Nyamata .

Hagati y’italiki 14 na 16 Mata 1994 Abatutsi barenga 5000 barishwe muri Nyamata, aho biciwe mu rusengero, abarokotse bahise batangira kwihisha mu rufunzo rwari hafi aho ndetse abandi bakomeza kwihisha no mu bihuru byari hafi aho.

Gusa nyuma yo kwihisha abenshi bavumbuwe aho bari bihishe maze bahita bicwa ndetse Jenoside yakomeje gukorwa kugeza ubwo ingabo za RPF Inkotanyi zafashe Akarere ka Bugesera.

Nyuma ya Jenoside yakorewe Abatutsi muri Mata 1994 Urusengero rwa Kiliziya Gatolika rwa Nyamata rwahise rugirwa Urwibutso rwa Jenoside rwa Nyamata nyuma y’ibiganiro byabayeho hagati ya Leta n’ubuyobozi bwa Kiliziya kuko hari umubare munini w’abatutsi biciwemo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO