#Kwibuka27: Abahanzi, n’Abanyamakuru bagiriwe inama y’uko bazakoresha Imbuga nkoranyambaga

Buri mwaka Abanyarwanda bibuka Abazize Jenoside yakorewe Abatutsi mur 1994. Igikorwa gitangira Tariki ya 7 Mata kikamara iminsi Ijana hibukwa Inzirakarengane zirenga Miliyoni zishwe zizira uko zavutse .

Kuri iyi nshuro Abanyarwanda bagiye kwibuka abazize Jenoside yakorewe Abatutsi ku nshuro ya 27, igihe u Rwanda n’isi yose bari mu bihe bitoroshye by’icyorezo cya COVID-19.

Muri iki gihe kitoroshye Abanyarwanda binjiyemo hari byinshi urubyiruko rusabwa harimo nko kumenya uko ruzajya rukoresha imbuga nkoranyambaga zikomeje gufata umwanya munini mu gutambutsa ubutumwa bwinshi butandukanye.

Ni muri Urwo rwego Urubyiruko, Abahanzi, Abanyamakuru na bandi bafite aho bahurira n’imbuga nkoranyambaga basabwa gutambutsa ubutumwa bwiza bujyane n’igihe tugezemo cyo Kwibuka Abazize Jenosode yakorewe Abatutsi mu 1994, basangiza inshuti n’imiryango ubutumwa bwiganjemo amateka yaranze igihugu cyacu, ndetse bakanazikoresha mu kurwanya abafobya Jenoside yakorewe Abatutsi muri 1994 no kurandura Ingengabitekerezo ya Jenoside aho yaba iri hose.

Muri iki gihe Abanyarwanda bari gukora bubahiriza amabwiriza yo kurwanya icyorezo cya COVID-19 yatumye abantu uyu mwaka batabasha guhurira hamwe ngo baganire ku mateka yaranze u Rwanda. Kwibuka kuri iyi nshuro bizaba Hubahirizwa Ingamba zo kurwanya icyo cyorezo.

Mu rwego rwo gukomeza gutanga ubutumwa bwiza ku mbuga nkoranyambaga abazikoresha benshi niho honyine bashobora kuzatangira ubutumwa bw’ihumure ku barokotse Jenoside yakorewe Abatutsi 1994 ndetse n’ubundi bw’isanamitima.

Tugarutse ku bahanzi Nyarwanda benshi mu banyarwanda bazi ibyo abahanzi nka Bikindi Simon na bandi benshi ibyo baririmbaga mu gihe cya Jenoside Yakorewe Abatutsi aho bakoraga ibihangano byuzuyemo Urwango n’ishyari rihembera amakacukubiri mu Banyarwanda .

Ku bahanzi nyarwanda muri ibi bihe byo Kwibuka Abazize Jenoside yakorewe Abatutsi 1994 barashimirwa cyane uko bakora indirimbo zirimo ubutumwa bwo kubaka igihugu zitarimo ubutumwa bubi bwaroha abanyarwanda mu nzangano, ni abo gushimwa cyane.

Kwibuka ku nshuro ya 27 nibakoresha imbuga nkoranyambaga zabo bigisha banahumuriza abarokotse Jenoside yakorewe Abatutsi dore ko abahanzi bari mu bantu bakurikirwa n’abantu benshi cyane ubutumwa bwabo bukagera kure.

Uruhare rwabo rurakenewe, abazakora indirimbo muri ibi byumweru byo kwibuka batuganishe ku mateka no kwiyubaka nk’inkingi y’ubumwe n’amahoro mu Banyarwanda nk’uko basanzwe babikora.

Abanyamakuru, ni bamwe mu ba mbere bashobora kubaka cyangwa gusenya Sosiyete, baravuga rikumvikana mu baturage bakoresheje Radiyo, Televiziyo n’ibinyamakuru byandika.

Imyaka ibaye 27 itangazamakuru rigira uruhare rukomeye mu kubaka u Rwanda rushya rufite intumbero, bakomeze bigishe amateka cyane batange indirimbo zigisha abaturarwanda muri iki cyumweru twinjiyemo cyo kwibuka ku nshuro ya 27 abazize Jenoside yakorewe Abatutsi mu 1994.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO