Aubameyang yise umwana w’ingagi ‘Igitego’ ati “Tuzabitsinda byinshi”

Mu muhango wo kwita Izina Ingagi wabaye ku mugoroba wo kuri uyu wa 24 Nzeri 2020 mu Intare Conference Arena, hagaragaye bamwe mu bakinnyi b’ikipe ya Arsenal mu buryo bw’ikoranabuhanga bise amazina abana b’ingagi aho muri abo bakinnyi barimo kapiteni wa Arsenal ndetse na bagenzi be babiri.

Uyu muhango wabaye mu buryo bw’ikoranabuhanga, wanaciye kuri Televiziyo y’igihugu. Mu bise hagaragaramo Kapiteni wa Arsenal Pierre Aubameyang, Hector Bellerin ndetse na Bernad Leno.

Kapiteni wa Arsenal Aubameyang, yise umwana w’ingagi Igitego aho yavuze ko atewe ishema no kwita izina umwana w’ingagi yongeraho ko yishimiye Kumenyekanisha no gushyigikira gahunda yo kubungabunga ingagi.

Aubameyanga yagize ati: "Impamvu namwise igitego nuko byoroshye kandi tugomba gutsinda ibitego byinshi"

Hector Bellerin we wise umwana w’ingagi izina Iriza yavuze ko ari amahirwe akomeye cyane yo kwita umwana w’ingagi Izina avuga ko abantu bagakwiye kuba hafi ndetse bakaza gusura abana b’ingagi.

Bellerin we yagize ati: "izina nise umwana w’ingagi risobanuye Imfura, iyo rero uri uburiza mu muryango iteka wiyumvamo inshingano"

Uretse kandi aba bakinnyi babiri, Bernad Leno nawe ukina mu ikipe ya Arsenal yise izina umwana w’ingagi ’Myugariro’ avuga ko ashimishijwe cyane n’iki gikorwa kandi ko yifuza kuzamusura umunsi umwe akareba ko yakuze.

Uyu musore yagize ati: "Ndashaka kwibutsa ko dufite inshingano zo kurinda ibidukikije uyu munsi kandi bizanshimisha cyane nimbonana n’uyu mwana w’umuhungu."

Ikipe ya Arsenal yo mu Bwongereza ifitanye ubufatanye n’u Rwanda bwo kwamamaza ubukerarugendo bwatangiye mu myaka ibiri ishize. Ikaba yariyemeje byibura kujya iha abanyarwanda bamwe mu bakinnyi kugira ngo basure u Rwanda ndetse banasure u Rwanda.


Aba nibo bakinnyi batatu ba Arsenal bise izina abana b’ingagi zo mu Rwanda

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO