Kwizera Olivier yifashishije indirimbo abwira Dj Sonia ko yanga kubona avugishwa n’undi musore

Kwizera Olivier ukinira ikipe y’igihugu Amavubi na Rayon Sports yaciye amarenga ko yaba ari mu rukundo n’umukobwa uvanga imiziki uzwi nka Dj Sonia.

Kwizera Olivier ibi yabinyujije ku rubuga rwa Instagram ashyiraho ifoto arikumwe na Kayitesi Sonia inyuma arenzaho indirimbo yitwa Let me know y’umuhanzi Maleek Berry. Ibi byagaragaje amarangamutima y’uyu mukinnyi.

Iyi ndirimbo irimo amagambo y’urukundo aho uriya muhanzi aririmba avuga ati : ‘‘Menyesha niba ndi inshuti isanzwe kuri wowe, urabizi nanga ko hari umugabo cyangwa umusore ukuvugisha.’’

Aya magambo yo muri iyi ndirimbo hari abayahuje n’uko byaba bifite aho bihuriye n’urukundo Kwizira Olivier arimo muri iyi minsi na Dj Sonia.

Kwizera Olivier ntabwo akunzwe kuvugwa cyane mu nkuru z’urukundo uretse ko umwaka ushize yakekwaga mu rukundo n’umukobwa ukina filime witwa Umutoni Nadia uzwi nka Muganga muri filime ‘Umuturanyi.’

Dj Sonia asanzwe akora aka kazi ko kuvanga imiziki kuri Radio na Televiziyo Rwanda. Ku bijyanye n’urukundo nawe ntabwo akunze kubivugaho cyane.


Kwizera Olivier ati "Urabizi nanga ko hari umugabo cyangwa umusore ukuvugisha.’’

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO