AMAFOTO: APR Fc itsinze Kiyovu Sports, umukino ubonekamo ikarita 2 z’umutuku

Ikipe ya APR Fc ikomeje kuyobora urutonde rwa shampiyona ndetse no kumara imikino myinshi idatsindwa, itsinze Kiyovu Sport igitego 1-0, Bukuru Christopher, wa APR Fc, ndetse n’umutoza wungirije wa Kiyovu Sport, Mutarambirwa Djabil bahabwa amakarita y’umutuku.

Ikipe ya Kiyovu Sport mu mikino itanu iheruka gukina, yatsinzemo imikino ine itari iyoroheye. Yatsinze Heroes, Gicumbi, Sunrise ndetse na Musanze itsindwa na Gasogi United.

Naho ikipe ya APR Fc mu mikino itanu iheruka gukina, yatsinzemo imikino ine, inganya umukino umwe yanganyijemo na Etincelles Fc. Mu makipe yatsinze harimo Mukura, Muhanga, Marine ndetse na Bugesera Fc.

APR Fc ifite amateka meza kuri Kiyovu Sports, dore ko mu mikino 10 aya makipe yombi yakinnye kuva mu mwaka w’imikino wa 2014/2015 kugera 2019/2020, iyi kipe y’ingabo yatsinzemo imikino 9, itsindwamo umukino 1 gusa mu mwaka wa 2017. Ibi bisobanuye ko uyu mukino ukunze guhuza aya makipe yombi nta kunganya gukunda kugaragaramo

Kiyovu yahuye na APR Fc ifite ibikombe 3 bya shampiyona yatwaye mu myaka ya 1983, 1992 ndetse no mu mwaka wa 1993 ubwo yatwaraga iki gikombe idatsinzwe umukino n’umwe.

Ku ruhande rwa APR Fc yo yakinaga uyu mukino ishaka gukuraho agahigo gafitwe na Kiyovu ko kudatsindwa muri shampiyona, aho kuri ubu imaze gukina imikino 21 ikaba itaratsindwa na rimwe.

Abakinnyi babanjemo ku ruhande rwa APR Fc: Rwabugiri Omar, Manzi Thierry, Rwabuhihi Aime Placide, Imanishimwe Emmanuel Mangwende, Omborenga Fitina, Buregeya Prince, Niyonzima Olivier Sefu, Manishimwe Djabel, Bukuru Christophe, Nshuti Innocent, ndetse na Usengimana Danny

Ku ruhande rwa Kiyovu Sports: Nzeyurwanda Djihad, Serumogo Ali, Mutangana Derrick, Mbogo Ali, Habamahoro Vincent, Twizeyimana Martin Fabrice, Nizeyimana Jean Claude, Saba Robert, Armel Gislain, Nsengiyumva Mustaf, Mbonyingabo Regis.

UKO UMUKINO URI KUGENDA

5’ Kwataka kwa Kiyovu Sport.
Abakinnyi b’ikipe ya Kiyovu Sport bamanukanye umupira, ku ruhande rw’ibumoso Regis, awuhimduye imbere y’izamu, Saba Robert ntiyawuhamya ujya hanze.

8’ Coup-Franq ya APR Fc.

Abakinnyi b’ikipe ya APR Fc bamanukanye umupira ku ruhande rw’iburyo, maze myugariro wa Kiyovu Sports akorera ikosa Nshuti Innocent, umusifuzi atanze Coup-Franq, Ombolenga Fitina atera umupira hanze.

18’ Umupira w’umuterekano ku ruhande rwa Kiyovu Sport

Ikipe ya Kiyovu Sport ibonye uburyo bw’umupira w’umuterekano, imbere y’izamu rya APR FC ku ikosa bari bakoreye Saba Robert, Serumogo awuhaye Martin Fabrice awutera hejuru y’izamu.

20’ Igitego cya APR Fc

APR Fc, ibonye igitego gitsinzwe na Nshuti Innocent, ku mupira mwiza ahawe na Imanishimwe Emmanuel wari wasize ba myugariro ba Kiyovu Sports, maze awuhereza neza Nshuti Innocent nawe ahita ahindukiza umuzamu.

22’ Abakinnyi ba APR Fc bari guhanahana umupira mu kibuga hagati.

Ikipe ya APR Fc yabonye igitego cya mbere, kuri ubu iri guhanahana umupira mu kibuga hagati, ndetse bakanyuzamo bagatera amashoti mu izamu rya Kiyovu Sports bari kure.

26’ Imvune ku ruhande rwa APR Fc

Nshuti Innocent watsinze igitego, aryamye mu kibuga, aho yakorewe ikosa na Regis myugariro wa Kiyovu Sport, ukina ku ruhande rw’ibumoso.

28’ Umupira uri mu kibuga hagati
Ikipe ya Kiyovu Sports iri gukina umupira wo guhererekanya mu kibuga hagati, ubona ko batuje batagifite igihunga nk’icyo batangiranye uyu mukino.

32’ Rwabugiri Omar akuyemo igitego cyabazwe.
Abakinnyi ba Kiyovu Sport bazamukanye umupira ku ruhande rw’iburyo, maze Saba Robert ahinduye umupira imbere y’izamu Rwabugiri Omar awukuramo, awushyira hanze.

35’ Coup Franq ya APR Fc.
Ikipe ya APR Fc ibonye umupira w’umuterekano, ku ikosa Martin Fabrice yari akoreye Niyonzima Olvier Sefu, maze Bukuru Christopher atera umupira hejuru y’izamu.

40’ Gusatira kwa APR Fc.
Manzi Thierry yatse umupira abakinnyi ba Kiyovu Sports maze awuha Danny Usengimana, nawe arawumanukana awuhinduye imbere y’izamu Manishimwe Djabel awutera hejuru y’izamu.

41’. Kiyovu Sports ibonye Koruneri.

Kiyovu Sports yaribonye uburyo bwo gutsinda igitego mu izamu rya APR Fc, ku mupira Saba Robert yari amanukanye imbere y’izamu awukase, Manzi Thierry awushyira muri koruneri, Serumogo Aly awuteye ujya hanze.

Iminota 45 irarangiye.
Umusifuzi wa kane yongeyeho umunota umwe w’inyongera.

IGICE CYA MBERE KIRARANGIYE
Mu gice cya mbere cy’umukino wahuzaga ikipe ya APR Fc na Kiyovu Sports kirangiye APR ifite igitego 1-0 bwa Kiyovu Sports. Ku ruhande rwa APR Fc muri iki gice yateye mu izamu inshuro imwe gusa ibona n’igitego, naho ku ruhande rwa Kiyovu ntiyabasha gutera umupira ujya mu izamu.

IGICE CYA KABIRI KIRATANGIYE

46’ Gusimbuza Ku ruhande rwa APR fc

Byirigiro Rague asimbuye Nshuti Innocent wagize ikibazo cy’imvune.

48’ APR FC itangiye yataka cyane
Igicece cya kabiri gitangiranye imbaraga nyinshi ku ruhande rwa APR Fc aho bari babonye uburyo bukomeye imbere y’izamu ku mupira Ombolenga yari azamukanye awuhaye Rague ntiyawufata.

51’ Gusatira ku ruhande rwa APR Fc
Ikipe ya Kiyovu Sport ibonye uburyo imbere y’izamu ku ikosa Ombolenga yari akoreye Armel, kubwo amahirwe Martin Fabrice ateye umupira, Mangwende akiza izamu.

53’ APR Fc, ibonye uburyo bwo gutsinda igitego imbere y’izamu rya Kiyovu Sport, ku mupira wari uzamukanwe na Usengimana Danny, awukase imbere y’izamu rya Kiyovu ntihagira umukinnyi n’umwe ukora ku mupira.

55’ Gusimbuza kwa Kiyovu

Mustapha utari wagaragaye kuri uyu mukino cyane, asimbuwe na Keddy.

58’ Gusatira kwa APR Fc,

Ombolenga Fitina azamukanye umupira ku ruhande rwe rw’iburyo, agera imbvere y’izamu, acomekera umupira mwixa Manishimwe Djabel, nawe ntiyawubyaza umusaruro awutera mu maboko y’umuzamu.

60’ Gusatira ku ruhande rwa Kiyovu Sport

Ikipe ya Kiyovu Sport yari yimwe umupira mu kibuga hagati, ibonye uburyo imbere y’izamu ariko ntiyabubyaza umusaruro, Mbogo Ali atera umupira hanze y’izamu.

63’ APR irase uburyo bwabaze.

Ikipe ya APR Fc ibonye uburyo bwo gutsinda igitego imbere y’izamu rya Kiyovu Sports, ku mupira wari uzamukanwe na Byiringiro Rague, acenga myugariro wa Kiyovu awucomokeye Danny atera swate imbere y’izamu.

66’ Gusimbuza kwa APR FC
Manishimwe Djabel asimbujwe na Anisept.

73’ Kiyovu yokeje igitutu APR Fc

Muri iyi minota ikipe ya Kiyovu Sports yakoze impinduka mu kibuga hagati, iri gutambaza umupira kurusha ikipe ya AAPR Fc, ndertse ikanyuzamo ikataka cyane, ariko yabona uburyo ntibubyaze umusaruro.

75’ Gusatira kwa Kiyovu
Kiyovu Sports ikomeje gusatira ikipe ya APR Fc, ariko abinyuma barimo Manzi Thierry ndetse na Mangwende bagakomeza kuyibera ibamba. Martin Fabrice yari abonye uburyo bwo gutera mu izamu, umupira ugarurwa na Manzi Thierry.

80’ Gusimbuza kwa APR Fc
Manishimwe Djabel asimbuwe na Mushimiyimana Meddy

86’ Gusatira kwa Kiyovu Sports
Kiyovu Sports ikomeje gusatira APR Fc muri iyi minota ya nyuma, Serumogo Ally azamukanye umupira asiga Mushimiyimana Meddy, akase umupira Rwabugiri Omar awukuramo.

88’ Ikarita y’umuhondo kuri Bukuru Christopher
Bukuru Christopher ahawe ikarita y’umuhondo ku ikosa yari akoreye kapiteni wa Kiyovu Sport Serumogo Ali. Umusifuzi atanze Coup-Franq, ariko Serumogo ayiteye, Rwabugiri Omar awufata ntakibazo.

Iminota 90’ irarangiye, umusifuzi ashyizho 3 y’inyongera.
90+2’ Kiyovu ibonye Coup-Franq

Mangwende akoreye ikosa Armel, umusifuzi ahita atanga Coup-Franq, itewe nabi na Keddy kuko ayishyize mu rukuta rw’abakinnyi ba APR Fc.

Umukino Urarangiye

Gushyamirana nyuma y’umukino.

Umutoza wungirije wa Kiyovu Sport, Mutarambirwa Djabili abujije Bukuru Christopher gutuka abafana ba Kiyovu Sports, ntiyamwumva ahita amusunika, umusifuzi ababonyue ahita abaha amakarita y’umutuku.
AMAFOTO YARANZE UYU MUKINO































Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO