Lady Gaga yibasiye Donald Trump mu gihe cyo kwibuka umwaka ushize hagabwe igitero kuri Capitol

Ku itariki 6 Mutarama 2022, hari hashize umwaka ingoro y’inteko ishingamategeko ya leta zunze ubumwe za Amerika (Capitol) igabweho igitero n’abari bashyigikiye Donald Trump mu matora y’umukuru w’igihugu. Lady Gaga yibasiye Donald Trump n’abari bamushyigikiye mu kiganiro yatanze bibuka umwaka ushize iki gitero kigabwe.

Ibikorwa byo gutera Capitol byari biyobowe n’abashyigikiye Donald Trump ndetse babikoze kugirango bateshe agaciro ibyavuye mu matora y’umukuru w’igihugu yabaye mu 2020 aho yegukanywe na Joe Biden.

Lady Gaga yatangaje ko nyuma yo kugaba iki gitero yasuye inzu ya Capitol mu rwego rwo gukusanya ibizibiti by’ibyabaye.

Mu kiganiro yagiranye na Bernice King, Lady Gaga yavuze ko ibyo yaboneye i Capitol byari birenze ukwemera igihe yabonaga ukuntu abantu bamenaguye amadirishya y’iyi nzu n’uburakari bwinshi babikoranye.

Yagize ati " Umunsi umwe mbere y’uko perezida arahira, nagiye kureba aho nzaba mpagaze ndirimba, Ndetse icyo gihe nagiye nambaye ikoti ridatoborwa n’amasasu bitewe n’uko twari dutewe ubwoba no kuba muri Capitol."

" Sintunga intoki Donald Trump, ahubwo ibyo nshaka kuvuga ni imyumvire yo kumva ko abazungu ari bwo bwoko buri hejuru y’ubundi ndetse bikaba byaratije umurindi mu kugaba ibi bitero kuri Capitol."

Agashya Lady Gaga yasangije abantu kabaye ku munsi w’ibirori byo kurahira kwa Perezida Joe Biden, Ngo ni uko mu rwego rwo kongera umutekano yaririmbye muri ibi birori yambaye ikanzu ikozwe mu buryo budatoborwa n’amasasu kandi abantu ntibabimenye.

Lady Gaga aririmba indirimbo yubahiriza igihugu.

Ibyaha Donald Trump yashinjwe harimo no kugumura abaturage kuko ariwe watumye batera ingoro ya Capitol, Ndetse ibi byatumye ahagarikwa burundu ku rubuga rwa Twitter mu mwaka wa 2021.


Donald Trump yahagaritswe burundu kuri Twitter.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO