Letoya wahoze muri Destiny’s Child agiye kubyara ubuheta

Umuhanzikazi Letoya Luckett wahoze mu itsinda rya Destiny’s Child yatangaje ko agiye kwibaruka undi mwana wa kabiri.

Uyu mugore waririmbanye na Beyonce mu itsinda rya Destiny’s Child w’imyaka 39 y’amavuko, yashakanye na Tommicus Walker, aho kuri ubu bari bafitanye umwana umwe.

Letoya abinyujije ku rukuta rwe rwa Instagram, yagize ati: “Mana warakoze, kudukuriza mu mucyo no mu Rukundo rwawe! Dusakawe n’ibyishimo ndetse no kugirirwa neza kubw’urubyaro waduhaye.”
Letoya yatangaje ko atwite inda y’imvutsi

Letoya n’umugabo we Tommicus bashyingiranwe I Texas mu Ukuboza 2017, nyuma y’aho baza kwibaruka umwana wabo w’imfura muri Mutarama 2019.

Uyu mwana wabo w’imfura bamurerera hamwe n’undi w’umukobwa witwa Madison w’uyu mugabo yari yarabyaye ku rushako rwe rwa mbere, aho kuri ubu afite imyaka irindwi y’amavuko.

Letoya azwi cyane nk’umwe mu bari bagize itsinda rya Destiny’s Child, ryari rihuriye n’abandi bahanzikazi bane bikomeye barimo Beyonce Knowles, Kelly Rowland ndetse na LaTavia Roberson.
Letoya Luckett yarasanzwe afite undi mwana arera w’umukobwa, yazaniwe n’umugabo we

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO