Lil G agiye kurongora Umunyarwandakazi uba mu Bufaransa

Karangwa Lionel uzwi ku izina rya Lil G mu muziki agiye gukora ubukwe n’umukobwa w’umunyarwandakazi uba mu Bufaransa witwa Sylvie.

Lil G yatangajeko ubukwe bwe n’uyu mukobwa utuye mu Bufaransa buzaba taliki ya 16 Mutarama 2021.

Aganira na Genesis Tv yavuze ko ubu ari gahunda nta gusubira inyuma.

Ati “Uriya munsi ni gahunda ubu nafashe icyemezo, umukobwa tuzabana ni Umunyarwandakazi uba mu Bufaransa, kugeza ubu nta byinshi ndategura uretse kuba nemeje I taliki.”

Uyu mukobwa avuga ko bamaranye igihe kitari gito ariko ngo yifuza ko ubukwe bwabo bwazabera I Kigali.

Lil G, yavutse taliki ya 20 Werurwe 1994, avukira ku Kicukiro mu mujyi wa Kigali. Avuka ari uwa kane mu muryango w’abana barindwi.

Lil G yatangiye muzika mu mwaka wa 2006, ariko aza kumenyekana muri 2007 ubwo Radio Contact FM yateguraga amarushanwa yari yise “Freestyle competition” ayabamo uwa mbere bikamufasha gukomeza kwagura impano yari afite.

Yatangiye afite imyaka 12 aza kumenyakana bikomeye ubwo yakoraga indirimbo yise "Nimba Umugabo" afatanyije na Meddy, ndetse bikaza gutinyura n’abandi bari bakiri bato gutinyuka ibijyanye n’ubuhanzi.


Lil G ngo arifuza ko ubukwe bwazabera mu Rwanda

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO