Lil Wayne yabujijwe gukandagiza ikirenge ku butaka bw’Ubwongereza kuko yigeze kujya mu buroko

Umuraperi ukomeye ku isi Lil Wayne yabujijwe gukandagiza ikirenge ku butaka bw’U Bwongereza nawe bituma asubika igitaramo yari agiye kuhakorera.

Ubusanzwe uyu mugabo amazina nyakuri ye yahawe n’ababyeyi yitwa Dwayne Michael Carter ndetse yamamaye cyane mu muziki ku izina rya Lil Wayne kuri ubu ni umwe mu b’araperi bakomeye muri Leta Zunze Ubumwe za Amerika.

Uyu muraperi yamaze gufata bugwate imitima y’abakunzi b’umuziki hirya no hino ku isi cyane cyane bigashingira ku bihangano.

Lil Wayne ubwo yiteguraga kurira indege ngo yerekeze mu gihugu cy’Ubwongereza aho yari agiye gutaramira abafana be mu gitaramo cyiswe Strawberry & Creem Festival, gusa ubwo yiteguraga hahise hasohoka itangazo riturutse mu kigo cy’umutekano wo mu Bwongereza cyitwa United Kingdom’s Home Office Security aho cyatangaje ko uyu muhanzi adakwiye kwinjira muri iki gihugu.

uyu mugabo yangiwe kwinjira mu Bwongereza kuko yigeze gufungwa igifungo kigera ku mezi 12 TMZ yabitangaje yavuze ko United Kingdom’s Home Office Security yagize iti: ’’Umuntu wese wakatiwe amezi 12 cyangwa arengejeho ntiyemerewe kwinjira mu Bwongereza’’.



Lil Wayne wakatiwe amezi arenga 12 muri gereza nawe iyi ngingo iramureba ndetse ni nayo mpamvu nyamukuru yabujijwe kwinjira mu Bwongereza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO