Louis Van Gaal yagiriye inama Erik Ten Hag urimo guhabwa amahirwe yo gutoza ikipe ya Manchester United

Muri iyi minsi ikipe ya Manchester united irimo kuvugwamo amakuru atandukanye cyane cyane ajyanye n’umutoza Ten Hag, gusa umusaza waciye muri iyi kipe Van Gaal yaburiye mwene wabo ko atari ikipe nziza akwiye gutoza bijyanye nibyo yahaboneye.

Ubusanzwe Louis Van Gaal yaciye mu ikipe ya Manchester United ndetse amaramo imyaka ibiri gusa kuko yaje kwirukanwa niyi kipe imushinja umusaruro muke gusa uyu Van Gaal yaburiye umuholandi mwene wabo ko ikipe ya Manchester United yabaye ikipe y’ubucuruzi kuruta uko yaba ikipe y’umupira w’amaguru bityo ko naramuka agiye muri iyi kipe ari amahitamo mabi ashobora kuzaba akoze mu buzima bwe.

Louis Van Gaal yagize ati’’ Erik Ten Hag ni umutoza mwiza pe ndetse ibyo ni byiza ku ikipe ya Manchester United gusa ikipe ya Manchester United ni ikipe y’ubucuruzi muri iyi minsi rero byaba byiza Ten Hag yerekeje mu ikipe y’umupira.

Yakomeje agira ati’’ntabwo ndimo kumugira inama we ubwe azampamagara gusa byaba byiza ahisemo ikipe y’umupira itari iy’ubucuruzi.

Ikipe ya Machester United yamaze gutangaza ko mbere y’ukwezi kwa gatandatu igomba kuba yamaze gutangaza umutoza mushya ugomba gutoza iyi kipe.

Ibitangazamakuru byinshi mu gihugu cy’Ubwongereza bikomeje guha amahirwe uyu mutoza usanzwe atoza ikipe ya Ajax d’Amsterdam y’iwabo mu gihugu cy’Ubuholandi ko ariwe ugomba gutoza iyi kipe guhera mu mpeshyi y’uyu mwaka.

Gusa bikomeje kuvugwa ko uyu mutoza icyumweru gishize yabonanye n’ubuyobozi bw’ikipe ya Manchester United bakaganira kubijyanye n’akazi muri iyi kipe nyamara iyi kipe ikomeje kuvugwamo abandi batoza barimo:Louis Enrique, Mauricio Pauchetinno n’abandi batandukanye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO