MISS RWANDA 2022: Kuri iki cyumweru Abakobwa 20 bari mu mwiherero bahuguwe ndetse bahabwa amasomo ku buringanire hagati y’abagabo n’abagore

Abakobwa 20 babonye itike yo gukomeza mu mwiherero wa Miss Rwanda 2022 bahuguwe ku masomo agendanye n’uburinganire hagati y’abagabo n’abagore ndetse bigishwa kirazira.

Mu mwiherero wa Miss Rwanda ni ahantu abakobwa basanzwe bigira amasomo atandukanye n’uburyo bitwara muri rusange, nk’imyitwarire iranga umuntu mu gihe cyo gufungura, indangagaciro z’umukobwa na kirazira.

Kuri iki cyumweru abakobwa 20 bari mu mwiherero baganirijwe na Madamu Mireille Batamuriza, uyu akaba ari umunyamabanga uhoraho muri minisiteri y’uburinganire n’iterambere ry’umuryango.

Yabahaye impanuro n’amahugurwa ku buringanire abasobanurira ko uburinganire budasobanuye ko abagore bagomba guhangara abagabo cyangwa abahungu mu myanya yabo barimo.

Yakomeje ababwira ko uburinganire bidasobanuye kuvuga ko ugomba gukora nk’ibyo umugabo akora, ahubwo ngo ni ugushyira mu buryo ingamba n’uburenganzira bwa buri wese bakirinda guhutazanya kandi hatabayeho kuvangura abakobwa cyangwa abagore, Bose bagomba guhabwa amahirwe angana mu mirimo bakora ya buri munsi.

Izi mpanuro zije nyuma y’uko isi yose iri kwitegura umunsi mpuzamahanga wahariwe abagore uteganyijwe kuba ku wa kabiri tariki 8 Gashyantare.

Madamu Mireille Batamuriza aganiriza abakobwa 20 bari mu mwiherero wa Miss Rwanda.


Abakobwa bakurikiye impanuro n’inyigisho bagejejweho na Madamu Mireille Batamuriza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO